NBA: Sex sigrar í röð hjá Knicks

New York Knicks hefur heldur betur snúið blaðinu við. Eftir að hafa tapað sjö leikjum í röð er liðið nú búið að vinna sex leiki í röð.

Að þessu sinni vann liðið auðveldan sigur á Milwaukee. Carmelo Anthony öflugur sem fyrr með 23 stig og 7 fráköst. Tim Hardaway yngri skoraði 20 stig.

Það virðist vera nokkuð ljóst að Phil Jackson taki við sem forseti félagsins á þriðjudag og góð stemning í Garðinum þessa dagana.

"Um þetta snýst körfuboltinn hjá Knicks. Þess vegna elska stuðningsmennirnir okkur. Þegar við spilum svona og höfum gaman þá smellur allt. Liðið er að detta í gírinn á réttum tíma," sagði Anthony eftir leik.

Úrslit:

NY Knicks-Milwaukee  115-94

Washington-Brooklyn  101-94

Atlanta-Denver  97-92

Detroit-Indiana  104-112

Philadelphia-Memphis  77-103

Chicago-Sacramento  94-87