Spennandi möguleiki fyrir Íslenska veiðimenn í USA

Íslenskir veiðimenn halda sig ekki bara við heimavötnin en nokkuð stór hópur fer utan á hverju ári til að veiða og hafa helstu áfangastaðir verið Rússland, Noregur og England.

Bandaríkin hafa ekki mikið verið sótt en þó í einhverjum mæli en það gæti verið að breytast þar sem Árni Jónsson í Veiðibúðinni við Lækinn ætlar m.a. að bjóða uppá ferðir til Washington fylkis á vesturströnd Bandaríkjanna ásamt öðrum.  Mikið tegundaúrval af laxfiskum er að finna á þessum slóðum eins og Hnúðlax (Pink salmon), Rauðlax (Sockeye), Silvurlax (Coho), Hundalax (Chum) og Kóngalax (King) en einnig verður boðið uppá veiði á Stálhaus, Strandsilung, Regnbogasilung, en hann er upprunalega ættaður frá þessum svæðum, bleikju og miklu meira.

Nokkur fjöldi ársvæða er í boði og það sem helst kveikir í mönnum sem skoða þennan möguleika er að stangardagurinn er á um 50.000 krónur með öllu, þ.e.a.s. mat, gisting, leiðsögn, akstur o.fl.  Svo er við því að bæta að það verður kynning í húsnæði Ármanna, Dugguvogi 13 næsta mánudag, kl 20:00 (22/09) fyrir þá sem vilja fá frekari kynningu á þessari spennandi ferð.