Sjóbirtingsveiðin fer vel af stað Karl Lúðvíksson skrifar 2. apríl 2019 10:34 Valli með flottann sjóbirting úr Húseyjakvísl í gær. Mynd: Húseyjakvísl FB Af fyrstu fréttum að dæma virðist sem sjóbirtingsveiðin fari afskaplega vel af stað og veiðitölur eru fínar af flestum svæðum sem við höfum frétt af. Í Geirlandsá er veiðin búin að vera frábær og strax á fyrsta degi komu 104 fiskar á land en það er bara sú tala sem fréttir bárust af seinni partinn í gær. Það gæti hafa bæst við það með gærkvöldinu. Þar veiddust margir stórir birtingar, stærsti 95 sm. Á fyrsta veiðideginum í Húseyjakvísl gekk að sama skapi vel þó það hafi ekki verið jafn mikið mok og í Geirlandsá en 20 bortingar komu á land í kvíslinni og þar voru margir rígvænir fiskar innan um þessa hefðbundnu 50-60 sm. Tungufljót opnaði líka með glæsibrag en á miðjum degi í gær voru komnir 30 birtingar á land og þar voru þær stærstu að teygja sig í 80 sm. Það er að sögn mikið af fiski í Tungufljóti og þá sérstaklega í veiðistöðunum neðst í ánni. Litlaá í Kelduhverfi átti líka flotta opnun en ekki hafa fengist staðfestar tölur frá deginum í gær. Það er mikið líf í ánni og mikið af 70 sm fiski og stærri sem hafa verið að veiðast. Það er greinilega mikill uppgangur í sjóbirtingsveiðinni um allt land og það verður því spennandi að fylgjast með veiðitölum næstu daga. Mest lesið Lykilinn að góðum árangri í vatnaveiði Veiði Rólegasta vor í manna minnum við Elliðavatn Veiði Fín veiði í Laxá í Kjós Veiði Bannað að veiða á nóttunni á Þingvöllum Veiði Stórlaxar á sveimi í Þverá Veiði Sogið: Minnsta veiði um árabil Veiði Norðurá komin í 106 laxa Veiði Netaveiðin í Hvítá/Ölfusá: Lögboðinni nýtingaráætlun aldrei skilað Veiði Opið Hús hjá kvennadeild SVFR í kvöld Veiði Töluvert líf í Gljúfurá í Borgarfirði Veiði
Af fyrstu fréttum að dæma virðist sem sjóbirtingsveiðin fari afskaplega vel af stað og veiðitölur eru fínar af flestum svæðum sem við höfum frétt af. Í Geirlandsá er veiðin búin að vera frábær og strax á fyrsta degi komu 104 fiskar á land en það er bara sú tala sem fréttir bárust af seinni partinn í gær. Það gæti hafa bæst við það með gærkvöldinu. Þar veiddust margir stórir birtingar, stærsti 95 sm. Á fyrsta veiðideginum í Húseyjakvísl gekk að sama skapi vel þó það hafi ekki verið jafn mikið mok og í Geirlandsá en 20 bortingar komu á land í kvíslinni og þar voru margir rígvænir fiskar innan um þessa hefðbundnu 50-60 sm. Tungufljót opnaði líka með glæsibrag en á miðjum degi í gær voru komnir 30 birtingar á land og þar voru þær stærstu að teygja sig í 80 sm. Það er að sögn mikið af fiski í Tungufljóti og þá sérstaklega í veiðistöðunum neðst í ánni. Litlaá í Kelduhverfi átti líka flotta opnun en ekki hafa fengist staðfestar tölur frá deginum í gær. Það er mikið líf í ánni og mikið af 70 sm fiski og stærri sem hafa verið að veiðast. Það er greinilega mikill uppgangur í sjóbirtingsveiðinni um allt land og það verður því spennandi að fylgjast með veiðitölum næstu daga.
Mest lesið Lykilinn að góðum árangri í vatnaveiði Veiði Rólegasta vor í manna minnum við Elliðavatn Veiði Fín veiði í Laxá í Kjós Veiði Bannað að veiða á nóttunni á Þingvöllum Veiði Stórlaxar á sveimi í Þverá Veiði Sogið: Minnsta veiði um árabil Veiði Norðurá komin í 106 laxa Veiði Netaveiðin í Hvítá/Ölfusá: Lögboðinni nýtingaráætlun aldrei skilað Veiði Opið Hús hjá kvennadeild SVFR í kvöld Veiði Töluvert líf í Gljúfurá í Borgarfirði Veiði