Allar líkur sagðar á nýju umhverfismati Svavar Hávarðsson skrifar 12. nóvember 2014 07:00 Framkvæmdir hófust í október 2012 sem var umdeilt á þeim tíma. Mynd/Landvernd „Það eru allar líkur á að ráðist verði í nýtt umhverfismat. Við gerðum ráð fyrir þessu árið 2013 og færðum því áherslur okkar upp á Þeistareyki. Til skemmri tíma litið hefur þetta ekki neikvæð áhrif á uppbygginguna en við höfum skilning á því að farið sé varlega“, segir Hörður Arnarson, forstjóri Landsvirkjunar, um þá niðurstöðu Skipulagsstofnunar að umhverfismat Bjarnarflagsvirkjunar í Mývatnssveit verði endurgert. Skipulagsstofnun rökstyður niðurstöðu sína m.a. með því að frá því að eldra umhverfismatið var gert á árunum 2003 til 2004 hafi forsendur nýtingar breyst verulega; það sýni reynsla annarra jarðvarmavirkjana sem teknar hafa verið í notkun. Þá hafi ferðamönnum við Bjarnarflag fjölgað verulega og sérstök verndarákvæði séu í gildi á svæðinu sem þurfi að hafa í huga. Landvernd hefur lengi barist gegn virkjunarhugmyndum í Bjarnarflagi og í yfirlýsingu fagnar félagið ákvörðun Skipulagsstofnunar sem áfangasigri. Varúðarnálgun félagsins við virkjun í Bjarnarflagi hafi verið staðfest, og að nauðsynlegt sé að draga úr óvissu um áhrif virkjunarinnar. Það varði m.a. brennisteinsvetnismengun og áhrif hennar á heilsu fólks og mögulegar breytingar á innflæði næringarefna í Mývatn. Í september 2012 sendu Landvernd og Fuglavernd kvörtun til Ramsarskrifstofunnar vegna undirbúningsframkvæmda Landsvirkjunar í Bjarnarflagi. Í kjölfarið kom sendinefnd í opinbera skoðunarferð sumarið 2013. Skrifstofan sendi frá sér skýrslu í desember 2013 þar sem mælt var með því að endurgera umhverfismat Bjarnarflagsvirkjunar og að taka sérstakt tillit til samlegðaráhrifa frá mögulegri stækkun Kröfluvirkjunar. Hörður segir að hafa verði hugfast í þessu samhengi að Landsvirkjun hafi haft frumkvæði að því í október 2013 að óska eftir því við Skipulagsstofnun að athuga hvort endurtaka þyrfti vissa hluta umhverfismatsins frá 2004. Þá hafi fyrirtækið verið búið að ljúka ítarlegri greiningu á matinu og taldi að mögulega þyrfti að endurskoða ákveðna hluta þess. Bjarnarflag hafi verið metið í nýtingarflokk af 2. áfanga Rammaáætlunar og fékk þar góða umsögn, enda það svæði sem hefur elstu sögu jarðhitanýtingar á Íslandi. „Þegar við lögðum þetta fram þá gerðum við grein fyrir að nálguninni yrði breytt; í stað 90 megavatta virkjunar yrði farið í 45 megavatta virkjun. Niðurstaða Skipulagsstofnunar er að endurtaka skuli stærri hluta umhverfismatsins en við töldum, en þá er ljóst að stofnunin tekur ekki tillit til varfærnari uppbyggingar heldur gömlu áformanna um 90 megavatta virkjun og umhverfismats sem gerði ráð fyrir henni. En við höfðum vonast til að tekið yrði tillit til þess,“ segir Hörður sem bætir við að innan fyrirtækisins verði á næstu vikum farið yfir nýjar upplýsingar og ákveðið hver næstu skref verða. Mest lesið Ferðamaður fannst látinn og þriggja saknað á eyjum Grikklands Erlent Palestínufánar í Mosfellsbæ vekja upp misgóð viðbrögð Innlent Ósammála Hæstarétti og telja brot Brynjars nauðgun Innlent „Þetta var bara eins og hryðjuverk“ Innlent Vitni segir bílinn hafa ekið hratt fram úr sér skömmu fyrir slysið Innlent Efast um viðbrögð frá ráðherrum í ljósi „sjálfsmorðsmissjóns“ VG Innlent Hver er þessi 28 ára maður sem gæti orðið forsætisráðherra Frakka? Erlent Fjallkonan í ár er Ebba Katrín Innlent „Hvernig getur sama fólk snúist svona í skoðunum sínum?“ Innlent Flokkurinn standi ekki lengur með mannréttindum Innlent Fleiri fréttir Borgarstjóri fór fyrstu ferð í nýju parísarhjóli Sextán sæmdir heiðursmerki hinnar íslensku fálkaorðu Ósammála Hæstarétti og telja brot Brynjars nauðgun Hvergi betra að búa en á Íslandi Palestínufánar í Mosfellsbæ vekja upp misgóð viðbrögð Efast um viðbrögð frá ráðherrum í ljósi „sjálfsmorðsmissjóns“ VG Skora á Sjúkratryggingar að semja við tvo heimilislækna Flokkurinn standi ekki lengur með mannréttindum Fjallkonan í ár er Ebba Katrín Þjóðhátíðardagur, Arnarlax og úrsögn úr Samfylkingunni Rafmagn er komið á í Mosfellsbæ Eldur kviknaði í iðnaðarhúsnæði í Hafnarfirði „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Sjá meira
„Það eru allar líkur á að ráðist verði í nýtt umhverfismat. Við gerðum ráð fyrir þessu árið 2013 og færðum því áherslur okkar upp á Þeistareyki. Til skemmri tíma litið hefur þetta ekki neikvæð áhrif á uppbygginguna en við höfum skilning á því að farið sé varlega“, segir Hörður Arnarson, forstjóri Landsvirkjunar, um þá niðurstöðu Skipulagsstofnunar að umhverfismat Bjarnarflagsvirkjunar í Mývatnssveit verði endurgert. Skipulagsstofnun rökstyður niðurstöðu sína m.a. með því að frá því að eldra umhverfismatið var gert á árunum 2003 til 2004 hafi forsendur nýtingar breyst verulega; það sýni reynsla annarra jarðvarmavirkjana sem teknar hafa verið í notkun. Þá hafi ferðamönnum við Bjarnarflag fjölgað verulega og sérstök verndarákvæði séu í gildi á svæðinu sem þurfi að hafa í huga. Landvernd hefur lengi barist gegn virkjunarhugmyndum í Bjarnarflagi og í yfirlýsingu fagnar félagið ákvörðun Skipulagsstofnunar sem áfangasigri. Varúðarnálgun félagsins við virkjun í Bjarnarflagi hafi verið staðfest, og að nauðsynlegt sé að draga úr óvissu um áhrif virkjunarinnar. Það varði m.a. brennisteinsvetnismengun og áhrif hennar á heilsu fólks og mögulegar breytingar á innflæði næringarefna í Mývatn. Í september 2012 sendu Landvernd og Fuglavernd kvörtun til Ramsarskrifstofunnar vegna undirbúningsframkvæmda Landsvirkjunar í Bjarnarflagi. Í kjölfarið kom sendinefnd í opinbera skoðunarferð sumarið 2013. Skrifstofan sendi frá sér skýrslu í desember 2013 þar sem mælt var með því að endurgera umhverfismat Bjarnarflagsvirkjunar og að taka sérstakt tillit til samlegðaráhrifa frá mögulegri stækkun Kröfluvirkjunar. Hörður segir að hafa verði hugfast í þessu samhengi að Landsvirkjun hafi haft frumkvæði að því í október 2013 að óska eftir því við Skipulagsstofnun að athuga hvort endurtaka þyrfti vissa hluta umhverfismatsins frá 2004. Þá hafi fyrirtækið verið búið að ljúka ítarlegri greiningu á matinu og taldi að mögulega þyrfti að endurskoða ákveðna hluta þess. Bjarnarflag hafi verið metið í nýtingarflokk af 2. áfanga Rammaáætlunar og fékk þar góða umsögn, enda það svæði sem hefur elstu sögu jarðhitanýtingar á Íslandi. „Þegar við lögðum þetta fram þá gerðum við grein fyrir að nálguninni yrði breytt; í stað 90 megavatta virkjunar yrði farið í 45 megavatta virkjun. Niðurstaða Skipulagsstofnunar er að endurtaka skuli stærri hluta umhverfismatsins en við töldum, en þá er ljóst að stofnunin tekur ekki tillit til varfærnari uppbyggingar heldur gömlu áformanna um 90 megavatta virkjun og umhverfismats sem gerði ráð fyrir henni. En við höfðum vonast til að tekið yrði tillit til þess,“ segir Hörður sem bætir við að innan fyrirtækisins verði á næstu vikum farið yfir nýjar upplýsingar og ákveðið hver næstu skref verða.
Mest lesið Ferðamaður fannst látinn og þriggja saknað á eyjum Grikklands Erlent Palestínufánar í Mosfellsbæ vekja upp misgóð viðbrögð Innlent Ósammála Hæstarétti og telja brot Brynjars nauðgun Innlent „Þetta var bara eins og hryðjuverk“ Innlent Vitni segir bílinn hafa ekið hratt fram úr sér skömmu fyrir slysið Innlent Efast um viðbrögð frá ráðherrum í ljósi „sjálfsmorðsmissjóns“ VG Innlent Hver er þessi 28 ára maður sem gæti orðið forsætisráðherra Frakka? Erlent Fjallkonan í ár er Ebba Katrín Innlent „Hvernig getur sama fólk snúist svona í skoðunum sínum?“ Innlent Flokkurinn standi ekki lengur með mannréttindum Innlent Fleiri fréttir Borgarstjóri fór fyrstu ferð í nýju parísarhjóli Sextán sæmdir heiðursmerki hinnar íslensku fálkaorðu Ósammála Hæstarétti og telja brot Brynjars nauðgun Hvergi betra að búa en á Íslandi Palestínufánar í Mosfellsbæ vekja upp misgóð viðbrögð Efast um viðbrögð frá ráðherrum í ljósi „sjálfsmorðsmissjóns“ VG Skora á Sjúkratryggingar að semja við tvo heimilislækna Flokkurinn standi ekki lengur með mannréttindum Fjallkonan í ár er Ebba Katrín Þjóðhátíðardagur, Arnarlax og úrsögn úr Samfylkingunni Rafmagn er komið á í Mosfellsbæ Eldur kviknaði í iðnaðarhúsnæði í Hafnarfirði „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Sjá meira