Rúnar á leið í erfiðar aðstæður?

Margt bendir til þess að Rúnar Kristinsson fyrrverandi þjálfari KR taki við þjálfun norska knattspyrnuliðsins Lilleström en Rúnar gæti komið inn í mjög erfiðar aðstæður.

Lilleström á í miklum fjárhagsvandræðum og gæti farið svo að liðið fari í greiðslustöðvun. Þá gæti farið svo að glæsileg æfingahöll félagsins LSK-hallen verða seld sem og eignir á Åråsen leikvanginum án þess að stjórn félagsins hefði nokkuð með það að segja.

Mikill óánægja er meðal starfsmanna félagsins með stjórnun félagsins og fari svo að félagið fari í greiðslustöðvun sé það ekki síst til þess að ná tökum á rekstri félagsins.

Norskir fjölmiðlar komust yfir bréf starfsmanna til stjórnar sem Heide Scheie stjórnarformaður félagsins segir ekki vera til en bætti við að innanhúsbréf eigi ekki að birta í fjölmiðlum. Starfsfólk bíður viðbragaða stjórnar vegna skorts á gagnkvæmu trausti.

Ljóst er að taki Rúnar við þjálfun liðsins gæti hann farið inn í erfiðar aðstæður, hvort sem liðið fari í greiðslustöðvun eða ekki.