Ein flottasta veiðimyndin í sumar

Það er alltaf gaman að sjá þegar veiðimenn leggja sig fram við að ná flottum veiðimyndum og nú á tímum GoPro og annara hágæða myndavéla eru veiðimyndir alltaf að verða glæsilegri.

Við vorum búin að birta eina flotta mynd sem við fengum senda frá Nils Folmer Jorgensen sem var tekin í Laxá í Aðaldal á Nessvæðinu og þykir sú mynd vera ein sú flottasta í sumar.  Það er þó klárt mál að atlaga hefur verið gerð að þeirri mynd með þessari sem við birtum með fréttinni en þetta er mynd sem er tekin í Mýrarkvísl ofan á hylinn þar sem veiðimaður er að þreyta 84 cm hrygnu í Ármótum Syðri í Mýrarkvísl.  Það er Mattías Þór Hákonarsson sem tók myndina en hann var við leiðsögn í ánni og náði þessari mynd þegar veiðimaður frá Puorto Rico var að glíma með laxinn.  Við viljum endilega hvetja ykkur til að deila með okkur flottum veiðimyndum frá sumrinu með því að senda þær á kalli@365.is