75 sm urriði úr Laxárdalnum

Samkvæmt fréttum frá veiðisvæðinu kenndu við Laxárdal í Mývatnssveit hefur stærðarmúrinn verið rofinn og það hressilega í sumar.

Í gær veiddist urriði sem var 75 sm að lengd og 40 sm að ummáli sem gerir þennan fisk líklega um 5-6 kíló (10-12 pund).  Því miður náðist ekki að mynda fiskinn en vitni voru að þessu, þar á meðal virtir leiðsögumenn við ánna svo stærðin á fiskinum er staðfest.  Ágætis veiði hefur verið í Laxárdalnum í sumar en eins og kunnugir vita eru þeir sem stunda þetta svæði ekki að leita eftir magni heldur stóru fiskunum enda er meðalþyngdin þarna aðeins betri en á efra svæðinu.  Góður tími er framundan og nokkuð er af lausum stöngum en lausa daga má sjá á www.svfr.is/vefsala