Innlent

Hefur íhugað að hætta í stjórnmálum vegna lekamálsins

Gunnar Atli Gunnarsson skrifar
„Ég hef aldrei íhugað að segja af mér vegna þessa máls, enda hef ég ekki brotið af mér,“ segir Hanna Birna Kristjánsdóttir innanríkisráðherra um lekamálið svokallaða í ítarlegu viðtali í kvöldfréttum Stöðvar 2. Hún segist þó hafa hugleitt að hætta í stjórnmálum.

„Ég skal hins vegar alveg viðurkenna það, að ég hef á nokkrum tímapunktum, þegar að ég hef fylgst með þessum ljóta pólitíska leik, íhugað það að fara út úr stjórnmálum,“ segir Hanna Birna.

Hún segir það fráleitt að hún hafi beitt fráfarandi lögreglustjóra á höfuðborgarsvæðinu þrýstingi vegna rannsóknar lögreglu á lekamálinu.

„Eins og ítrekað hefur komið fram í þessari viku, bæði hjá mér og lögreglustjóranum, viðhafði ég aldrei nokkurn einasta þrýsting í þessu máli. Það er fráleitt.“

Sjá má viðtalið í heild sinni hér fyrir ofan.


Tengdar fréttir

Hver er starfsmaður B?

Þingmenn stjórnarandstöðunnar gengu hart að innanríkisráðherra og kröfðust svara.

Íhuga að leggja fram vantrauststillögu á Hönnu Birnu

Þingmenn stjórnarandstöðunnar íhuga að leggja fram vantrauststillögu á Hönnu Birnu Kristjánsdóttur innanríkisráðherra þegar þing kemur saman í haust. Umboðsmaður Alþingis hefur óskað eftir svörum frá ráðherra varðandi meint afskipti hennar af rannsókn lögreglu á lekamálinu.

Þórey sögð með réttarstöðu grunaðs manns

Þórey Vilhjálmsdóttir, aðstoðarmaður Hönnu Birnu Kristjánsdóttur innanríkisráðherra, er sögð vera sú sem lak umdeildum minnisblaði um hælisleitandann Tony Omos.




Fleiri fréttir

Sjá meira


×