Mikið vatn gerir veiðimönnum ennþá erfitt fyrir

Það er vissulega minna komið í árnar af eins árs laxi en eðlilegt er en samt er önnur vending náttúrunnar að gera veiðimönnum erfitt fyrir.

Það hafa varla komið nema fjórir til fimm þurrir dagar í margar vikur og árnar hafa margar hverjar ekki komist í kjörvatn í allt sumar.  Það gerir það að verkum að oft er erfitt að finna laxinn í ánum og það hefur nokkur áhrif á veiðitölur því það er ekki öllum lagið að lesa vatnið og finna staðina sem laxinn leggst í þegar árnar hækka mikið.  Lax er víða að veiðast á milli veiðistaða og á öðrum stöðum í hinum hefðbundnu veiðistöðum en hann er vanur að liggja við.  Þetta gerir veiðina stundum bara meira krefjandi en þegar ofan á er lagt að göngur eru í minni mæli en á venjulegu ári reynir þetta oft á þolinmæðina.  Nú sér loksins fram á minni væti og vonandi þurrann ágústmánuð sem verður til þess að árnar lækka og ennþá er krossað í bak og fyrir að göngurnar komi þó alla vega í einhverjum mæli seinni en venjulega, það myndi klárlega bjarga sumrinu fyrir marga veiðimenn.

Lág vatnsstaða er einnig í nokkrum vötnum Veiðivatna og ekki liggja skýringar á lausu fyrir því fyrirbæri eins hvort það hafi haft áhrif á veiðina.  Sumir veiðimenn hafa haft það á orði að minni veiði sé enn áður fyrr en á sama tíma koma vanir menn með mjög góðann afla eftir túr í vötnin.  Þeir tala ekki um fiskleysi en segjast finna fyrir því að takan geti stundum verið léleg.