"Mér líður eins og ég sé helvíti geðveik“

Söngkonan Lana Del Rey prýðir forsíðu tímaritsins Rolling Stone en hún segir fólk koma illa fram við sig.

„Mér líður eins og ég sé helvíti geðveik. En ég held að ég sé það ekki. Fólk heldur að ég sé geðveik. Mér finnst flest fólk sem ég hitti halda að ég vilji drepa mig,“ segir söngkonan en hún lét hafa það eftir sér ekki fyrir löngu að hún vildi að hún væri dáin.

„Ég vil ekki að fólk heyri textana mína. Ég er mjög sjálfselsk. Ég geri allt fyrir mig, þannig lagað séð. Ég meina, allir litlu hlutirnir, allt frá gítarnum til trommuleiksins. Það er allt bara fyrir mig. Ég vil ekki að fólk hlusti og hugsi um textana. Þetta kemur því ekki við,“ bætir Lana við um tónlistina.