Mikil fluga við Laxá í Mývatnssveit Karl Lúðvíksson skrifar 9. júní 2014 11:10 Við settum inn mynd sem Bjarni Höskuldsson leiðsögumaður við Laxá í Laxárdal sendi okkur fyrir skömmu og á henni sést hversu mikið mý hefur verið í dalnum síðustu daga. Ekki er ástandið betra ofar í ánni en veiðimenn sem við heyrðum í í gær sögðu að á tímabili hefði verið svo mikil fluga að það sást varla út úr flugnanetunum. Veðrið var með eindæmum gott um helgina við ána og fór hitinn mest í um 19 stig sem skapar kjöraðstæður fyrir fluguna, sérstaklega þegar lítill eða enginn vindur fylgir með hitanum. Veiðin var ágæt en ekki jafn kraftmikil og fyrstu dagana. Ekki mikil uppítaka var í ánni svo flestir voru að veiða á þyngdar púpur andstreymis með tökuvara. Þeir fiskar sem komu á land voru allir úttroðnir af mýlirfu og er fiskurinn nær undantekningalaust feitur og vel haldinn eftir veturinn. Framundan er frábær tími í ánni og þess vegna um að gera fyrir þá sem eiga eftir að kasta fyrir urriða á þessu svæði og finna sér leyfi. Við minnum veiðimenn á að taka með sér flugnanet og flugnaáburð, t.d. hefur "Bite Off" reynst vel við að halda mýinu frá því að stinga. Heildartalan síðustu daga er líklega um 400 fiskar sem er feyknagott en almennt eru veiðimenn á því að meira virðist vera af fiski en undanfarin ár. Stangveiði Mest lesið Vantar um 1000 laxa miðað við sama tíma í fyrra Veiði Hofsá ein af dómkirkjum stangveiðinnar Veiði Veiði að glæðast í Straumunum Veiði Lokatölur úr flestum ánum komnar í hús Veiði Tafir á smíði veiðihúss við Miðá Veiði Ennþá mikið af gæs í Landeyjum Veiði Eystri Rangá aflahæst laxveiðiánna Veiði 99 á land fyrsta daginn í Vatnamótunum Veiði Fiskvegur um Steinbogann í Jöklu Veiði Heiðarvötnin að gefa fína veiði og væna fiska Veiði
Við settum inn mynd sem Bjarni Höskuldsson leiðsögumaður við Laxá í Laxárdal sendi okkur fyrir skömmu og á henni sést hversu mikið mý hefur verið í dalnum síðustu daga. Ekki er ástandið betra ofar í ánni en veiðimenn sem við heyrðum í í gær sögðu að á tímabili hefði verið svo mikil fluga að það sást varla út úr flugnanetunum. Veðrið var með eindæmum gott um helgina við ána og fór hitinn mest í um 19 stig sem skapar kjöraðstæður fyrir fluguna, sérstaklega þegar lítill eða enginn vindur fylgir með hitanum. Veiðin var ágæt en ekki jafn kraftmikil og fyrstu dagana. Ekki mikil uppítaka var í ánni svo flestir voru að veiða á þyngdar púpur andstreymis með tökuvara. Þeir fiskar sem komu á land voru allir úttroðnir af mýlirfu og er fiskurinn nær undantekningalaust feitur og vel haldinn eftir veturinn. Framundan er frábær tími í ánni og þess vegna um að gera fyrir þá sem eiga eftir að kasta fyrir urriða á þessu svæði og finna sér leyfi. Við minnum veiðimenn á að taka með sér flugnanet og flugnaáburð, t.d. hefur "Bite Off" reynst vel við að halda mýinu frá því að stinga. Heildartalan síðustu daga er líklega um 400 fiskar sem er feyknagott en almennt eru veiðimenn á því að meira virðist vera af fiski en undanfarin ár.
Stangveiði Mest lesið Vantar um 1000 laxa miðað við sama tíma í fyrra Veiði Hofsá ein af dómkirkjum stangveiðinnar Veiði Veiði að glæðast í Straumunum Veiði Lokatölur úr flestum ánum komnar í hús Veiði Tafir á smíði veiðihúss við Miðá Veiði Ennþá mikið af gæs í Landeyjum Veiði Eystri Rangá aflahæst laxveiðiánna Veiði 99 á land fyrsta daginn í Vatnamótunum Veiði Fiskvegur um Steinbogann í Jöklu Veiði Heiðarvötnin að gefa fína veiði og væna fiska Veiði