Mun breyta starfsumhverfi allra heilbrigðisstarfsmanna

Randver Kári Randversson skrifar 22. maí 2014 13:28

Staðan sem nú er komin upp í kjölfar ákæru ríkissaksóknara vegna atviks á árinu 2012, þegar sjúklingur lést, veldur óvissu og mun breyta starfsumhverfi allra heilbrigðisstarfsmanna.

Hjúkrunarráð Landspítalans hefur ítrekað bent á að álag á spítalann sé of mikið og að starfsaðstæður séu óviðunandi.

Þetta kemur fram í ályktun frá Hjúkrunarráði Landspítalans, en hún hljóðar svona í heild:

Ályktun frá Hjúkrunarráði Landspítala

Landspítala og hjúkrunarfræðingi á gjörgæsludeild hefur nú verið birt ákæra

vegna atviks á árinu 2012. Hjúkrunarráð Landspítala harmar þetta atvik þar sem

maður lést og vottar aðstandendum hans dýpstu samúð.

Hjúkrunarráð hefur ítrekað bent á að álag á Landspítalanum sé of mikið og að

starfsaðstæður séu víða óviðunandi. Staðan sem nú er upp komin veldur óvissu og

mun breyta starfsumhverfi allra heilbrigðisstarfsmanna.

Hjúkrunarráð Landspítala fer fram á það við stjórnvöld og stjórnendur spítalans að

sett verði viðurkennd öryggismörk hjúkrunar. Jafnframt þarf að leggja fram

viðbragðsáætlun við frávikum, með öryggi sjúklinga og heilbrigðisstarfsmanna að

leiðarljósi.

F.h. Hjúkrunarráðs Landspítala

Guðný Friðriksdóttir, formaður hjúkrunarráðs

Landspítalinn Hjúkrunarfræðingur sýknaður af ákæru um manndráp

Tengdar fréttir

"Hún getur ekki verið ein ábyrg“

Landspítalinn og hjúkrunarfræðingur á gjörgæsludeild spítalans voru í dag ákærð fyrir manndráp af gáleysi vegna atviks sem kom upp á spítalanum í október 2012, en ekkja mannsins sem lést segist ósátt við ákæruna. Framkvæmdastjóri hjúkrunar á Landspítalanum segir íslenskt heilbrigðiskerfi standa á krossgötum.

21. maí 2014 19:08

Hjúkrunarfræðingur ákærður - Ekkja mannsins vildi ekki kæra

„Ég vona að þeir hlúi að þessari konu og hjálpi henni yfir þetta því það er ekkert gaman að vera með svona á bakinu.“

21. maí 2014 14:22

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir