Fimmmenningarnir nafngreindir á Facebook

Fimmmenningarnir sem grunaðir eru um að hafa nauðgað sextán ára stúlku hafa verið nafngreindir á Facebook en þeir voru úrskurðaðir í gæsluvarðhald til 15. maí. Meðal þeirra sem nafngreint hafa piltana er stúlka sem telur sig hafa vitneskju um málið en piltarnir eru á aldrinum sautján til nítján ára.

Stúlkan kærði nauðgunina síðastliðinn miðvikudag. Atvikið mun hafa átt sér stað í Breiðholti aðfararnótt sunnudags og samkvæmt heimildum fréttastofu þekktust hinir ákærðu og stúlkan.

Atvikið var tekið upp á myndband og er það komið í dreifingu á netið. Talið er að einn ákærðu hafi tekið myndbandið upp og sett það í almenna dreifingu.

Samkvæmt heimildum Vísis voru sex piltar upphaflega handteknir en sá sjötti hefur ekki stöðu grunaðs.