Cech spilar ekki meira | Lítur illa út með Terry

Chelsea varð fyrir miklu áfalli í kvöld er markvörður þeirra, Petr Cech, meiddist illa á öxl. Hann mun ekki spila meira á tímabilinu og tímabilinu gæti einnig verið lokið hjá John Terry.

Jose Mourinho, stjóri Chelsea, staðfesti eftir markalausa jafnteflið gegn Atletico að Cech væri kominn í sumarfrí. Hinn 41 árs gamli Mark Schwarzer þarf því að klára tímabilið í marki Chelsea en hann stóð sig vel í kvöld.

Terry meiddist á ökkla og útlitið ekki gott með framhaldið hjá honum heldur.

Það er allt undir hjá Chelsea um helgina er liðið sækir Liverpool heim og ljóst að liðið mætir laskað á Anfield.