Skipstjóri ferjunnar í Suður-Kóreu handtekinn

Skipstjóri farþegaferjunnar Sewol, sem sökk í Gulahafi við Suður-Kóreu í fyrradag, hefur verið handtekinn. Komið hefur í ljós að hann sjálfur var ekki við stjórnvölinn þegar ferjan sökk og verður hann því ákærður fyrir vanrækslu í starfi.

Handtökuskipanin var gefin út á hendur hans ásamt tveggja áhafnarmeðlima í dag.

Flestir farþeganna um borð voru nemendur gagnfræðiskólans Danwon í Seol og kennarar þeirra.

Staðfest tala látinna er 28, 269 er enn saknað og talið er ólíklegt að nokkur maður finnist á lífi úr þessu. 179 var bjargað.

Leitaraðstæður hafa verið erfiðar, skyggnið hefur verið lélegt og straumar sterkir.