Daniel Ricciardo - dæmdur úr leik

Heimamaðurinn Daniel Ricciardo hefur verið dæmdur úr leik fyrir að hafa notað of mikið eldsneyti í keppninni í morgun. Ástralinn endaði í öðru sæti keppninnar.

Bíll hans mun hafa notað meira en 100 kíló af eldsneyti á klukkustund á einhverjum tímapunkti. Sem er brot á reglum um eldsneytisflæði. Flæðið má aldrei fara yfir 100kg/klst.

Red Bull hefur þegar gefið út að það muni áfrýja niðurstöðu dómara keppninnar til alþjóða akstursíþrótta sambandsins. (FIA) En að óbreyttu fer liðið stigalaust frá fyrstu keppni.

Þetta hefur þær afleiðingar að allir aðrir munu færast upp um eitt sæti. Kevin Magnussen mun þá verða annar og liðsfélagi hans hjá McLaren, Jenson Button verður þriðji.

Sergio Perez færist upp í stigasæti. Kevin Magnussen bætir besta árangur nýliða sem hann deildi með Lewis Hamilton fyrir úrskurð dómaranna. 

Allt þetta veltur á því að áfrýjunardómstóllinn komist að sömu niðurstöðu og dómarar keppninnar.

Staðan í ástralska kappakstrinum er því þessi:

1. Nico Rosberg Mercedes - 25 stig

2. Kevin Magnussen - McLaren - 18 stig

3. Jenson Button - McLaren - 15 stig

4. Fernando Alonso - Ferrari - 12 stig

5. Valtteri Bottas - Williams - 10 stig

6. Nico Hulkenberg - Force India - 8 stig

7. Kimi Raikkonen - Ferrari - 6 stig

8. Jean-Eric Vergne - Toro Rosso - 4 stig

9. Daniil Kvyat - Toro Rosso - 2 stig

10. Sergio Perez - Force India - 1 stig

11. Adrian Sutil - Sauber

12. Esteban Gutierrez - Sauber

13. Max Chilton - Marussia - síðasti ökumaðurinn sem lauk keppninni formlega

14. Jules Bianchi - Marussia - var of langt fyrir aftan til að teljast hafa lokið keppni

15. Romain Grosjean - Lotus - kláraði ekki

16. Pastor Maldonado - Lotus - kláraði ekki

17. Marcus Ericsson - Caterham - kláraði ekki

18. Sebastian Vettel - Red Bull - kláraði ekki

19. Lewis Hamilton - Mercedes - kláraði ekki

20. Felipe Massa - Williams - kláraði ekki

21. Kamui Kobayashi - Caterham - kláraði ekki

22. Daniel Ricciardo - Red Bull - dæmdur úr leik