Svala Björgvins sjóðheit í Kali

Svala Björgvinsdóttir hefur í nógu að snúast í LA um þessar mundir þar sem hún býr með eiginmanni sínum Einari Egilssyni. Hjónin eru saman í  hljómsveitinni Steed Lord en einnig hannar hún flíkur undir nafninu Kali. 

Svala hefur lengi haft ástríðu fyrir tísku og fatahönnun og  hennar önnur fatalína verður fáanleg innan fárra vikna í netversluninni Lastashop.com. Eiginmaðurinn tók myndirnar af Svölu. 

Innblástur fyrir Kali að þessu sinni var fengin úr kvikmyndinni, The Hunger með Susan Sarandon og Catherine Deneuve en einnig úr kvikmyndinni, Tank Girl með Lori Petty.

Svala segir að þrátt fyrir að þessar tvær kvikmyndir séu ólíkar þá hafi þær báðar hjálpað henni í hugmyndavinnunni í hönnunarferlinu.

Elli Egilsson bróðir Einars er grafískur hönnuður en hann tók einnig þátt í ferlinu og teiknaði grafíkina á peysurnar í línunni.