Lífeyrisgreiðslur 68 þúsund starfsmanna frystar

Bandaríski flugvélaframleiðandinn Boeing hefur fryst lífeyrisgreiðslur til 68 þúsund starfsmanna, þar á meðal stjórnar og stjórnenda félagsins. BBC greinir frá þessu.

Ástæðan er sú að núverandi kerfi, þar sem lífeyrisgreiðslur að loknum starfsferli miðast við laun viðkomandi og starfsaldur, verður fellt niður. Er þetta gert til að koma í veg fyrir óviðráðanlegan vöxt lífeyrisskuldbindinga félagsins.

Breytingin mun hafa áhrif á þá starfsmenn félagins sem ekki eru í verkalýðsfélagi og er í samræmi við samning gerðan við starfsmenn í janúar og mun hann gilda frá 1. janúar 2016.

Þeir sem fengu greiðslur samkvæmt eldri samningum munu fá greiðslur samkvæmt þeim til lok árs 2015 en færast eftir það í nýja gerð lífeyriskerfis. Þeir starfsmenn Boeing í Seattle sem þessi breyting á við samþykktu breytinguna mjög naumlega í kosningu. Boeing lofaði í staðinn að Boeing 777 þotur félagsins yrðu settar saman í Washington fylki.

Meðal annarra stórra bandarískra fyrirtækja sem hafa breytt sínu lífeyrissjóðskerfi til að minnka kostnað eru t.d. General Motors sem tilkynnti breytingar á sínu kerfi í júní 2012. Breytingar sem eiga að spara fyrirtækinu 26 milljarða dali.