Flott stemning í Gigantium | Myndasyrpa

Gigantium-höllin glæsilega í Álaborg iðar nú af lífi enda innan við klukkutími í fyrsta leik B-riðils á EM. Það er að sjálfsögðu leikur Íslands og Noregs.

Norðmenn eru búnir að kaupa flesta miðana en það verður engu að síður fullt af Íslendingum á staðnum.

Gigantium stendur undir nafni því hér er handboltasalur, risastór íshokkýhöll og svo annað svell í fullri stærð en ekki með neinni stúku. Svo er hér innisundlaug með rennibraut og stökkpöllum. Hérna kemur fólk því til þess að gera ýmislegt.

Daníel Rúnarsson, ljósmyndari Fréttablaðsins og Vísis, kíkti á stemninguna og tók myndir af gestum og gangandi. Myndirnar má sjá allar hér að ofan og einnig nokkrar hér neðar.