Sannleikurinn: Sjúklingur tafði mikilvæga ostasendingu

Mikilvæg ostasending fyrir Bónus er sögð hafa þurft að bíða í klukkustund á Egilstöðum eftir flugi á vegum Mýflugs en flugvélin tafðist þar sem verið var að flytja einhvern sjúkling.

Þetta kemur fram í tölvupósti sem maður sem starfaði hjá Mýflugi sendi árið 2006.

„90 kílóa sjúklingur og tveir læknar töfðu sendingu af osti til Bónus sem lá mjög á. Alltaf gott að vera á sérútbúinni sjúkraflugvél eða hitt þó. Sérstaklega fyrir ostinn frá Mjólkusamsölunni sem beið í klukkustund á Egilsstöðum meðan eitthvað helvítis sjúkraflaug stóð yfir. Það var ekki bara tankað á Akureyri heldur hvarf flugstjórinn lengi að útbúa „flugplan“. Man ekki tímann, ef til vill 40-60 mínútur. Er viss um að hann hafi stolist í ostinn.“ Úr tölvupósti eftir sjúkraflug á árinu 2006.



Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu þar sem mjólkurvörur hafa alltaf forgang.