Hinn höfðinginn úr Höfðahyl

Við greindum frá því í gær að tvær stórlaxar sem báðir mældust 103 sm hefðu veiðst í Höfðahyl í Laxá í Aðaldal Nessvæði og það sama daginn.

Guðmundur Viðarsson veiddi annan þeirra og við birtum mynd af þeim laxi í gær.  Við vorum að fá senda mynd af hinum laxinum sem Skúli Kristinnsson veiddi en eins og áður segir voru þetta jafn langir laxar.  Hollið hefur þegar bætt við nokkrum stórlöxum og við eigum von á því að fá fleiri myndir sendar.  Það er mjög ángæjulegt að deila myndum af veiði með lesendum okkar og við hvetjum ykkur þess vegna til að deila með okkur myndum og sögum af ykkar haustveiði.  Þið getið sent myndir, frásögn og ekki gleyma að láta upplýsingar eins og t.d. síma fylgja með.  Sendu póstinn á kalli@365.is