Myndlistarnemar sýna í Hnitbjörgum Sigríður Björg Tómasdóttir skrifar 26. apríl 2013 15:00 Katla Rós Völudóttir við undirbúning sýningarinnar. Mynd/Daníel Meistaranemar í myndlist opna samsýninguna Samþættingu í Listasafni Einars Jónssonar á morgun. Þeir eru í fyrsta hópi meistaranema í Listaháskóla Íslands en kennsla á því stigi hófst síðastliðið haust. Mikill áhugi er á náminu. „Sýningin Samþætting er fyrsta samsýning meistaranema í myndlist við Listaháskóla Íslands en nemendurnir hafa sýnt á vormánuðum undir yfirskriftinni Kveikjuþræðir,“ segir Ólafur Sveinn Gíslason sem hefur umsjón með náminu á vormisseri. „Við ákváðum að sýna á Hnitbjörgum, Listasafni Einars Jónssonar, en það var fyrsta listasafn sem var reist á Íslandi, byggt í kringum verk Einars og heimili hans líka. Listamennirnir ganga inn í heim hans með verkum sínum og sýna verk sem eru mörg inngrip inn í rýmið hans, eða einhvers konar núningur við hans list. Einar var barn síns tíma, verk hans bera þess merki að vera gerð á tímum þjóðernishyggju og sem dæmi um verk nemendanna er þjóðsöngsvél.“ Ólafur segir tímamót felast í því að hafin sé kennsla í meistaranámi í myndlist á Íslandi. „Námið hefur lengi verið í bígerð en frestaðist meðal annars vegna hrunsins. En svo hófst það loks síðastliðið haust með námi átta nemenda sem sýna verk sína á þessari sýningu og í hópnum er einn skiptinemi líka. Þetta verður því fámennur og þéttur hópur sem hér verður í námi, 16 til 20 manns þegar allt er talið. Nemendur hafa mikið frelsi, geta sótt námskeið þvert á deildir og tekið hluta námsins erlendis.“ Ólafur segir mikinn áhuga vera á náminu en um þessar mundir er einmitt verið að fara yfir umsóknir fyrir næsta ár. „Það eru mjög margar umsóknir frá erlendum nemendum þannig að áhuginn er bæði innanlands sem utan.“ Sýningin Samþætting verður opnuð á morgun klukkan tvö og stendur til 19. maí. Listasafn Einars Jónssonar er opið um helgar frá tvö til fimm. Listamennirnir sem sýna í Hnitbjörgum eru Bergdís Hörn Guðvarðardóttir, Guðmundur Bragason, Halldór Ragnarsson, Katla Rós Völudóttir, Kristín Helga Káradóttir, Niklas Christian Majland Brun, Pia Antonsen Rognes, Ragnar Már Nikulásson og Rán Jónsdóttir. Menning Mest lesið Aníta Briem og Hafþór eiga von á barni Lífið Arnar Þór selur Arnarneshöllina Lífið Heiður Ósk og Davíð eru nýtt par Lífið Hvers vegna tölum við um bongóblíðu? Lífið Bubbi hrærður: Trúir því að Níu líf muni á endanum vakna að nýju Lífið Fékk skyndihugmynd og er nú í blómahafi heima fyrir Lífið Bara 33 ára og lífið á eftir að koma í ljós Lífið Daði keypti hús Jóns Jónssonar með mömmu sinni á yfirverði Lífið Mömmu þykir ekki vænna um Friðrik Dór en Jón Ragnar Lífið Ofurskvísur landsins fögnuðu „Heiðarlegri“ fatalínu Heiðar Tíska og hönnun Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Meistaranemar í myndlist opna samsýninguna Samþættingu í Listasafni Einars Jónssonar á morgun. Þeir eru í fyrsta hópi meistaranema í Listaháskóla Íslands en kennsla á því stigi hófst síðastliðið haust. Mikill áhugi er á náminu. „Sýningin Samþætting er fyrsta samsýning meistaranema í myndlist við Listaháskóla Íslands en nemendurnir hafa sýnt á vormánuðum undir yfirskriftinni Kveikjuþræðir,“ segir Ólafur Sveinn Gíslason sem hefur umsjón með náminu á vormisseri. „Við ákváðum að sýna á Hnitbjörgum, Listasafni Einars Jónssonar, en það var fyrsta listasafn sem var reist á Íslandi, byggt í kringum verk Einars og heimili hans líka. Listamennirnir ganga inn í heim hans með verkum sínum og sýna verk sem eru mörg inngrip inn í rýmið hans, eða einhvers konar núningur við hans list. Einar var barn síns tíma, verk hans bera þess merki að vera gerð á tímum þjóðernishyggju og sem dæmi um verk nemendanna er þjóðsöngsvél.“ Ólafur segir tímamót felast í því að hafin sé kennsla í meistaranámi í myndlist á Íslandi. „Námið hefur lengi verið í bígerð en frestaðist meðal annars vegna hrunsins. En svo hófst það loks síðastliðið haust með námi átta nemenda sem sýna verk sína á þessari sýningu og í hópnum er einn skiptinemi líka. Þetta verður því fámennur og þéttur hópur sem hér verður í námi, 16 til 20 manns þegar allt er talið. Nemendur hafa mikið frelsi, geta sótt námskeið þvert á deildir og tekið hluta námsins erlendis.“ Ólafur segir mikinn áhuga vera á náminu en um þessar mundir er einmitt verið að fara yfir umsóknir fyrir næsta ár. „Það eru mjög margar umsóknir frá erlendum nemendum þannig að áhuginn er bæði innanlands sem utan.“ Sýningin Samþætting verður opnuð á morgun klukkan tvö og stendur til 19. maí. Listasafn Einars Jónssonar er opið um helgar frá tvö til fimm. Listamennirnir sem sýna í Hnitbjörgum eru Bergdís Hörn Guðvarðardóttir, Guðmundur Bragason, Halldór Ragnarsson, Katla Rós Völudóttir, Kristín Helga Káradóttir, Niklas Christian Majland Brun, Pia Antonsen Rognes, Ragnar Már Nikulásson og Rán Jónsdóttir.
Menning Mest lesið Aníta Briem og Hafþór eiga von á barni Lífið Arnar Þór selur Arnarneshöllina Lífið Heiður Ósk og Davíð eru nýtt par Lífið Hvers vegna tölum við um bongóblíðu? Lífið Bubbi hrærður: Trúir því að Níu líf muni á endanum vakna að nýju Lífið Fékk skyndihugmynd og er nú í blómahafi heima fyrir Lífið Bara 33 ára og lífið á eftir að koma í ljós Lífið Daði keypti hús Jóns Jónssonar með mömmu sinni á yfirverði Lífið Mömmu þykir ekki vænna um Friðrik Dór en Jón Ragnar Lífið Ofurskvísur landsins fögnuðu „Heiðarlegri“ fatalínu Heiðar Tíska og hönnun Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira