Fisher ætlar að verða meistari með Thunder

Hinn 38 ára gamli Derek Fisher er búinn að skrifa undir samning við Oklahoma Thunder út leiktíðina. Hann ætlar sér stóra hluti með Thunder.

Fisher vann fimm NBA-meistaratitla með LA Lakers á sínum tíma og hann hefur ákveðið að spila í treyju númer sex í ár til þess að minna sig á af hverju hann er mættur aftur út á völlinn.

"Þetta er táknrænt númer því ég ætla að vinna sjötta titilinn í sumar. Ég er kominn hingað til þess að hjálpa Thunder að verða besta lið deildarinnar," sagði Fisher.

Hann lék í treyju númer 37 hjá Thunder í fyrra. Það var til þess að minna hann á hversu gamall hann væri.