Karlar á nektarströnd

Leikarinn Josh Duhamel varð fyrir miklum vonbrigðum með nektarströnd sem hann heimsótti. Á sínum yngri árum fór hann í bakpokaferðalag um Evrópu með vini sínum og varð mjög spenntur þegar hann rakst á nektarströnd.

„Það eftirminnilegasta við ferðina var þegar við fórum á ítalska nektarströnd. Við héldum að þar yrði hellingur af sætum stelpum en þar var í staðinn fullt af nöktum, gömlum körlum,“ sagði Duhamel. „Við áttum eiginlega engan pening á þessu ferðalagi en vínið var ódýrara en vatnið á ítölsku rivíerunni. Ég nýtti mér það til fullnustu.“

Duhamel er kvæntur söngkonunni Fergie og eiga þau von á sínu fyrsta barni.