Þessir taka þátt í troðslukeppninni

NBA-deildin hefur gefið út hvaða leikmenn muni taka þátt í troðslukeppni deildarinnar í Stjörnuleiknum sem fer fram um næstu helgi.

Í keppninni í ár eru tveir fyrrum troðslumeistarar, spennandi nýliðar sem kunna þessa list afar vel.

Þessir taka þátt:

Eric Bledsoe, LA Clippers

Jeremy Evans, Utah Jazz

Kenneth Faried, Denver Nuggets

Gerald Green, Indiana Pacers

Terrence Ross, Toronto Raptors

James White, NY Knicks

Evans vann keppnina í fyrra og Green vann keppnina árið 2007. Báðir geta komist í hóp góðra manna sem hafa unnið þessa keppni oftar en einu sinni.

Þeir eru Michael Jordan (1987, 1988), Dominique Wilkins (1985, 1990), Harold Miner (1993, 1995), Jasoc Richardson (2002, 2003) og Nate Robinson (2006, 2009, 2010).