Scarlett Johansson og Chris Pratt hafa bæst við leikaraliðið í kvikmyndinni Her. Kvikmyndaverið Warner Bros tilkynnti um þetta á Twitter-síðu sinni.
Joaquin Phoenix og Rooney Mara leika einnig í þessari vísindaskáldsögumynd með rómantísku ívafi sem Spike Jonze leikstýrir.
Myndin gerist í framtíðinni og segir frá einmana rithöfundi sem verður ástfanginn af röddinni í nýju stýrikerfi sem hann hefur keypt. Aðrir leikarar í Her eru Samantha Morton og Amy Adams. Hún er væntanleg í bíó vestanhafs í nóvember.
Johannsson leikur í Her
