Lindsay er vond þegar hún er full

Partípíurnar Tara Reid og Lindsay Lohan voru einu sinni bestu vinkonur þó ellefu ára aldursmunur sé á þeim. Tara vandar Lindsay ekki kveðjurnar þessa dagana.

“Okkur kemur ekki vel saman. Ég er hamingjusöm og hress þegar ég er full. Lindsay verður bara vond þegar hún er drukkin,” segir Tara en Lindsay er eins og kunnugt er í meðferð núna. Hún var dæmd í níutíu daga meðferð eftir að hún laug að lögregluþjónum sem rannsökuðu bílslys sem hún lenti í síðasta sumar.

Tara er á því að Lindsay eigi að hætta að keyra.

“Hún ætti örugglega að hætta að keyra núna. Hún eyðilagði bíl eins vinar míns. Þessi stelpa fær tækifæri eftir tækifæri eftir tækifæri.”

Dragðu Tarotspil dagsins hér.