Allt er þegar þrennt er Haukur Viðar Alfreðsson skrifar 3. maí 2013 11:35 Bíó, Iron Man 3 Leikstjórn: Shane Black Leikarar: Robert Downey, Jr., Gwyneth Paltrow, Don Cheadle, Guy Pearce, Ben KingsleyÞað var gaman að fylgjast með ruglinu í Robert Downey, Jr. í fyrstu tveimur myndunum um Járnmanninn, en mér fannst alltaf vanta einhvern neista í hasarinn. Bót hefur verið ráðin á þessu í Iron Man 3, en þó ekki á kostnað sprellsins. Tony Stark glímir við svefnleysi og kvíða eftir að hafa bjargað heiminum í The Avengers, þar sem hann flaug út fyrir gufuhvolfið í niðursuðudósinni sinni og bjargaði heiminum. Hann er því ekkert sérlega vel í stakk búinn til að takast á við harðsvíraðasta andstæðing sinn til þessa, Mandarínann. Það er þúsundþjalasmiðurinn Shane Black (handritshöfundur Lethal Weapon) sem leikstýrir þessari þriðju mynd, og handbragð hans leynir sér ekki. Myndin er bæði fyndnari og meira spennandi en forverar hennar, og þrátt fyrir brellusúpuna verður áhorfandinn aldrei dasaður. Auðvitað er velgengni myndaflokksins að stórum hluta aðalleikaranum að þakka, og ég kenni í brjósti um þann sem mun á endanum leysa Downey, Jr. af hólmi. Hann hefur gert Járnmanninn að skemmtilegustu bíóofurhetju samtímans, og líklega hefur hann aldrei verið betri í rullunni en hér. Aðrir leikarar standa sig þó með prýði og sérstaklega er Ben Kingsley glæsilegur í hlutverki Mandarínans. Endakaflinn er eini dragbíturinn, en eins og í langflestum ofurhetjumyndum er hasarinn dreginn fullmikið á langinn á lokasprettinum. Minna er oft meira.Niðurstaða: Besta mynd seríunnar. Gagnrýni Mest lesið Þetta eru keppendur Ungfrú Ísland Teen 2025 Lífið „Ég trúði því aldrei að ég yrði þessi gaur“ Lífið Sonur Rögnu og Árna kominn með nafn Lífið Hegðun Benedikts kom upp um bónorðið Lífið Stjörnulífið: Maraþon, brúðkaup og gellugallinn Lífið Frumsýning á Vísi: Eldgos, hamfarir og ást í kitlu fyrir Eldana Bíó og sjónvarp Fagurkeri selur miðbæjarperlu Lífið Skúli hannaði hof fyrir Grímu Lífið Kom með blóðugar tær í mark eftir heilt maraþon berfættur Lífið „Hjálpar okkur í að nýta þjónustu sem er ekki til á Íslandi í dag en ætti að vera til“ Lífið Fleiri fréttir Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Sjá meira
Bíó, Iron Man 3 Leikstjórn: Shane Black Leikarar: Robert Downey, Jr., Gwyneth Paltrow, Don Cheadle, Guy Pearce, Ben KingsleyÞað var gaman að fylgjast með ruglinu í Robert Downey, Jr. í fyrstu tveimur myndunum um Járnmanninn, en mér fannst alltaf vanta einhvern neista í hasarinn. Bót hefur verið ráðin á þessu í Iron Man 3, en þó ekki á kostnað sprellsins. Tony Stark glímir við svefnleysi og kvíða eftir að hafa bjargað heiminum í The Avengers, þar sem hann flaug út fyrir gufuhvolfið í niðursuðudósinni sinni og bjargaði heiminum. Hann er því ekkert sérlega vel í stakk búinn til að takast á við harðsvíraðasta andstæðing sinn til þessa, Mandarínann. Það er þúsundþjalasmiðurinn Shane Black (handritshöfundur Lethal Weapon) sem leikstýrir þessari þriðju mynd, og handbragð hans leynir sér ekki. Myndin er bæði fyndnari og meira spennandi en forverar hennar, og þrátt fyrir brellusúpuna verður áhorfandinn aldrei dasaður. Auðvitað er velgengni myndaflokksins að stórum hluta aðalleikaranum að þakka, og ég kenni í brjósti um þann sem mun á endanum leysa Downey, Jr. af hólmi. Hann hefur gert Járnmanninn að skemmtilegustu bíóofurhetju samtímans, og líklega hefur hann aldrei verið betri í rullunni en hér. Aðrir leikarar standa sig þó með prýði og sérstaklega er Ben Kingsley glæsilegur í hlutverki Mandarínans. Endakaflinn er eini dragbíturinn, en eins og í langflestum ofurhetjumyndum er hasarinn dreginn fullmikið á langinn á lokasprettinum. Minna er oft meira.Niðurstaða: Besta mynd seríunnar.
Gagnrýni Mest lesið Þetta eru keppendur Ungfrú Ísland Teen 2025 Lífið „Ég trúði því aldrei að ég yrði þessi gaur“ Lífið Sonur Rögnu og Árna kominn með nafn Lífið Hegðun Benedikts kom upp um bónorðið Lífið Stjörnulífið: Maraþon, brúðkaup og gellugallinn Lífið Frumsýning á Vísi: Eldgos, hamfarir og ást í kitlu fyrir Eldana Bíó og sjónvarp Fagurkeri selur miðbæjarperlu Lífið Skúli hannaði hof fyrir Grímu Lífið Kom með blóðugar tær í mark eftir heilt maraþon berfættur Lífið „Hjálpar okkur í að nýta þjónustu sem er ekki til á Íslandi í dag en ætti að vera til“ Lífið Fleiri fréttir Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Sjá meira