Chris Paul verður áfram hjá Clippers

Umboðsmaður Chris Paul hefur tilkynnt liðum í NBA deildinni í körfubolta að Chris Paul muni ekki ræða við nein félög heldur semja að nýju við Los Angeles Clippers. Liðin mega byrja að ræða við leikmenn á morgun 1. júlí og skrifa undir samninga 10. júlí.

Það kemur fáum á óvart að Chris Paul hyggist leika áfram í Los Angeles eftir að Clippers nældi í þjálfarann Doc Rivers á dögunum frá Boston Celtics.

Paul barðist fyrir því að Clippers næði í Rivers en hann hafði einna helst verið orðaður við Atlanta Hawks í sumar þar sem talið var að hann og Dwight Howard höfðu áhuga á að leika saman í Atlanta.

Chris Paul hefur gjörbreytt liðið Los Angeles Clippers til hins betra og ljóst að með tilkomu Doc Rivers vantar ekki mikið í að liðið geti gert atlögu að sínum fyrsta NBA meistaratitli.