Margir bolir komnir á kreik

Fjölmargir þeirra sem nýta sér Twitter hafa brugðist við Boladeginum sem hófst í dag. Dagurinn gengur, í sem stystu máli, út á það að Íslendingar eru hvattir til þess að setja sig í samband við fræga fólkið á Twitter með margvíslegum skilaboðum og reyna að fá fram viðbrögð við þeim.

Nú þegar hafa nokkrir Íslendingar freistað gæfunnar. Hans Steinar Bjarnason, íþróttafréttamaður á RÚV, er ein þeirra. Hann hefur til dæmis sent skilaboð á brasilísku knattspyrnuhetjuna Pele. Oddur Kristjánsson sendi Russel Brand skilaboð þess efnis að kvenréttindadagurinn væri í dag og bað um stuðning vegna þess. Nokkrir hafa líka reynt að ná sambandi við Barack Obama, forseta Bandaríkjanna. Körfuboltamaðurinn vaski úr stjörnunni, Marvin Valdimarsson, gerði líka heiðarlega tilraun til að njá athygli Mörthu Stewart.

Boladagurinn hófst klukkan 22:00 í gærkvöld og lýkur á miðnætti. Sigurvegari Boladags í fyrra var blaðamaður DV, Sigurður Mikael Jónsson, en hann fór afar skemmtilega og frumlega leið að körfuboltagoðsögninni Dennis Rodman og uppskar svar.

Aðstandendur uppátækisins skrifa fréttir um þróun mála á vefsíðunni boladagur.is. Hér fyrir neðan má síðan sjá nýjustu tístin á Twitter merkt #boladagur.