Harmageddon

Sönnun fyrir tilvist Guðs

Frosti Logason skrifar
Trúlausi dópistinn brotnaði saman þegar Guð sýndi honum miskun.
Trúlausi dópistinn brotnaði saman þegar Guð sýndi honum miskun.
Til eru margir sem efast um tilvist Guðs. Sumir ganga jafnvel svo langt að hæðast að honum og smána við hvert tækifæri.

En nú er runnin upp stund sannleika og iðrunar. Guð hefur kosið að kveða niður gagnrýnisraddir og sýna trúvillingum í tvo heimana með afar sannfærandi hætti.

Myndbandið hér fyrir neðan er sláandi en þar sjáum við lifandi sönnun á mætti bænarinnar.

Heróínfíkil sem hagaði sér eins og skepna gagnvart fjölskyldu sinni, vinum og vandamönnum veit ekki sitt rjúkandi ráð þegar hann er bænheyrður. Maðurinn hafði enda ekki gert sig líklegan til þess að vinna til neinna samfélagsverðlauna í aðdraganda kraftaverksins. En það er heldur ekki nauðsynlegt.

Það eina sem þú þarft að gera er að fara á hnén og biðja um miskun. Guð fer ekki fram á annað. Hann vill að sér sé sýnd undirgefni og takmarkalaus virðing. Það er allt og sumt.

Þetta er gott að hafa í huga þegar komandi jólahátíð gengur í garð. Þegar margir hafa áhyggjur af því að ná jafnvel ekki endum saman. Þá getur borgað sig að fara á hnén og biðja um miskun. Hver veit nema þú fáir hundrað dollara seðil af himnum ofan. 








×