Slæmur dagur fyrir Íslendinga í Svíþjóð

Halmstad og Göteborg töpuðu bæði leikjum sínum í sænsku úrvalsdeildinni í dag. Guðjón Baldvinsson var í byrjunarliði Halmstad og Hjálmar Jónsson í liði Göteborg en Kristinn Steindórsson og Hjörtur Logi Valgarðsson sátu á bekknum alla leikina.

Göteborg varð af mikilvægum stigum  í toppbaráttunni en þar eru þeir að berjast við Malmö og Helsingborg. Það eru fáir leikir eftir af tímabilinu og eru Göteborg núna einu stigi á eftir Malmö sem eiga leik til góða í toppsætinu.

Halmstad tapaði 4-1 gegn Djurgarden á heimavelli og er tveimur stigum frá öruggu sæti í deildinni eftir tap dagsins. Þeir hafa nú tapað fjórum af síðustu fimm leikjum í deildinni.