Harmageddon

Stærsta plötusafn heims til sölu en enginn vill kaupa?

Ómar Úlfur skrifar
Paul með verðmætustu plötuna í safni sínu.
Paul með verðmætustu plötuna í safni sínu.
Paul Mawhinny á plötusafn sem telur yfir milljón breiðskífur og tvær milljónir smáskífa. Safnið er metið á um 50 milljónir dollara og hefur Paul auglýst safnið til sölu í bráðum 12 ár. Verðmiðinn á þremur milljónum platna er 3 milljónir dollara.

Paul byrjaði að safna plötum árið 1951 og hefur hann helgað ævi sína þessu áhugamáli. Hann neyddist til að auglýsa safnið til sölu eftir að hann greindist með sykursýki og sjón hans tók að hraka.

Paul rak um árabil plötubúðina Record Rama og hélt eftir síðasta eintakinu af öllum plötum sem að hann seldi í versluninni. Þannig bjó hann til þetta yfirgripsmikla safn ásamt því að hafa augun opin á ferðalögum sínum.  

Bandaríska þingið hefur ályktað að áttatíu og þrjú prósent safnsins frá 1948 til 1966 sé í raun einstakt.  Sautján prósent safnins frá þeim tíma er fáanlegur á geisladiskum eða á tölvutæku formi. Hin prósentin eru ófáanleg með öllu nema í safni Pauls.



Í safni Mawhinny má m.a. annars finna fyrstu flötu hljómplötuna sem var gefin út 1881, smáskífu sem að The Beach Boys gáfu út undir nafninu The Survivors og plötu með Rolling Stones sem var aðeins gefin út í kynningarskyni og er gríðarlega sjaldgæf. Paul á einnig plötuna The Bugler Theme sem að var framleidd sérstaklega fyrir Theodore Roosevelt Bandaríkjaforseta.



Paul hefur reynt að skrásetja safnið í veikindum sínum og þannig haldið starfi sínu áfram. Hann verður 72 ára á árinu og hann vill síður þurfa að hluta safnið niður og selja það í bútum. Hann segir að plöturnar eigi heima á alvöru safni.

Tveir áhugasamir fjárfestar hafa sett sig í samband við hann og það kemur í ljós í september hvort að Paul getur átt áhyggjulaust ævikvöld vitandi af safninu sínu í öruggum höndum.

The Archive from Sean Dunne on Vimeo.








×