Stefnir rannsóknarnefnd Alþingis fyrir meiðyrði

Hallur Magnússon,  fyrrverandi sviðsstjóri þróunardeildar Íbúðalánasjóðs, hefur hafið undirbúning á meiðyrðamáli gegn rannsóknarnefnd Alþingis um málefni íbúðalánasjóðs.

Í tilkynningu sem Hallur sendi fyrir stundu fullyrðir hann að skýrslan sé full af rangfærslum og ein þeirra snúi að sér.

Sú rangfrærsla snúi að því að hann hafi verið ráðinn til starfa hjá sjóðnum á pólitískum forsendum.

Hallur segir að staðan sem hann sinnti síðar hafi verið auglýst árið 1999 og að Gallup hafi metið hann hæfastan af umsækjendum.

Í skýrslunni segir orðrétt um ráðningu Halls:

„Einnig vekur athygli að Hallur Magnússon, sem á þeim tíma hafði lengi verið starfandi í Framsóknarflokknum, var ráðinn til stofnunarinnar, fyrst sem yfirmaður gæða- og markaðsmála en síðar sem yfirmaður þróunar- og almannatengslasviðs og að lokum sem sviðsstjóri þróunarsviðs. Ekki fæst séð að umrædd staða hafi verið auglýst er Hallur var fyrst ráðinn árið 1999.“

Hér fyrir neðan má lesa yfirlýsingu Halls í heild sinni. Hér má lesa kaflann þar sem rætt er um ráðningu Halls.