Flottur sjóbirtingur úr Hörgá

Fallegir fiskar eru alltaf skemmtilegir. Hér er einn sem glæsilegur sjóbirtingur sem veiddist á dögunum í Hörgá í Eyjafirði.

Frá þessum ágæta fiski var sagt á vef Stangaveiðifélags Akureyrar.

"Fengum senda mynd af veiðimanni úr Hörgá en hann fékk þennan flotta sjóbirting á svæði 2, nánar tiltekið við Hörgárbrýrnar. Fiskurinn mældist 67 sentímetrar og var 3 kíló að þyngd.

Hörgáin hefur nú verið opin síðan 1. maí en á tímabilinu 1. til 20. maí var eingöngu leyfð fluguveiði og sleppa bar öllum fiski. Eftir 20. maí eru veiðireglur samkvæmt venju, það er veiða má á flugu, maðk og spún," segir á svak.is.