Helgarmaturinn - Indversk veisla

Gígja Þórðardóttir, sölu- og markaðsstjóri Gengur vel ehf. deilir hér einum af sínum uppáhaldsréttum sem hún eldar reglulega fyrir fjölskylduna.

Indverskur kjúklingaréttur

Úrbeinuð læri eða bringur

3-4 hvítlauksgeirar

3-4 cm ferskur engifer – rífa með rifjárni

2 msk. garam masala-krydd

2-3 msk. karrý

1 msk. sojasósa

3-4 litlar dósir af tómat-paste

2-3 lárviðarlauf

5 svört piparkorn

½ flaska rauðvín

2 dl vatn

2 teningar kjúklingakraftur

1-2 msk. hrásykur/sykur



Brúna kjúkling og hvítlauk í smá olíu, skella svo öllu í pott og láta malla í u.þ.b. 1 klst.

Frábært að bera fram með sætum kartöflum, naanbrauði, hrísgrjónum, jógúrtsósu og mangó-chutney.

Tvær stórar sætar kartöflur skornar í bita eða sneiðar og lagt í eldfast mót. Olíu og smá salti skellt ofan á. Gott er að setja líka hvítlauk og/eða pekanhnetur. Bakist þar til kartöflurnar eru tilbúnar.

Jógúrtsósa

1 dl AB-mjólk

5 cm u.þ.b. agúrkubútur, rifinn

Salt og pipar

2 hvítlauksrif, kramin

Öllu blandað saman og hrært vel.