SönderjyskE vann sex stiga leik gegn Silkeborg

Hallgrímur Jónasson var í liði SönderjyskE í dag er liðið vann gríðarlega mikilvægan sigur, 0-5, á Silkeborg í uppgjöri botnliðanna í dönsku úrvalsdeildinni.

Með sigrinum komst SönderjyskE upp úr fallsæti. Liðið er í níunda sæti með 24 stig en liðin í fallsætunum eru með 21.

Hallgrímur lék allan leikinn fyrir SönderjyskE. Eyjólfur Héðinsson var fjarri góðu gamni að þessu sinni.

Lasse Vibe skoraði þrennu fyrir SönderjyskE í leiknum og þeir Nicolai Madsen og Bjorn Paulsen komust einnig á blað.