Árshátíðargreiðslan - sjáðu þetta!

Hér má sjá hvernig Theodóra Mjöll hárgreiðslukona sem skrifaði metstölubókina Hárið sýnir hvað það er auðvelt að gera Hollywoodkrullur fyrir árshátíðina.

Taktu fremsta partinn af hárinu og spenntu niður. Reyndu að hafa skiptinguna eins nákvæma og þú getur.

Krullaðu allt hárið, nema partinn sem þú tókst frá. Ef þú ert með mjög slétt hár sem allt helst illa í, er gott að spreyja hárspreyi yfir allt hárið og geiða yfir, áður en krullað er. Þannig haldast krullurnar betur í. Beinið krullujárninu niður með höfðinu, og krullið lokkana frá andlitinu. Ekki fikta í krullunum! Leyfið þeim alveg að vera og kólna vel.

Takið aftari partinn frá (þann sem þið eruð búin að krulla) og losið um efri partinn.

Hugsið ykkur að efri parturinn sé hálf kaka. Skiptið kökunni í fjórar kökusneiðar og krullið hverja kökusneið fyrir sig. Byggið krullurnar ofan á hverja aðra. (vona að þið skiljið hvað ég meina, annars sendið mér bara ummæli hér fyrir neðan).

Síðasta kökusneiðin krulluð.

Leyfið hárinu að kólna vel og spreyið hárlakki yfir allt hárið eins og ykkur þykir þurfa. Greiðið svo mjög mjög vel yfir allt hárið með hárbursta, alveg frá rótum fram í enda.

Endið á því að geiða partinn sem þið krulluðuð síðast og beinið hárinu upp á við. í raun greiðið þið hárið aðeins aftur að framan.

Smelltu hér til að sjá endanlega útkomu á Trendnet.is.