Olís selur umhverfisvæna díselolíu 22. febrúar 2013 13:15 Ómar Ragnarsson dælir VLO olíu á 40 ára gamlan Range Rover Stuðlar að 5% minni koltvísýringsútblæstri. Olís kynnti í vikunni díselolíu blandaða með vetnismeðhöndlaðri lífrænni olíu, eða VLO. Það er hreinna og umhverfisvænna díseleldsneyti en þekkst hefur og framleiðsluaðferðin gerir hana ólíka annarri lífdíselolíu. VLO virkar fullkomlega eins og önnur díselolía en mengar minna. VLO er blönduð í díselolíu Olís sem hlutfall af seldu magni í samræmi við reglugerðir í Evrópu. Slík reglugerð hefur enn ekki litið dagsins ljós hér á landi en mun væntanlega gera það innan skamms. Að sögn Olís skilar þetta íblöndunarhlutfall 5% minni koltvísýringsútblæstri díselbifreiða. Hægt er að nota 100% hreina VLO olíu á díselvélar en með íblöndun ætlar Olís að gera VLO samkeppnisfæra í verði á eldsneytismarkaðnum. Íblöndunin hefur engin áhrif á lítraverð, eykur ekki eldsneytiseyðslu en dregur hins vegar úr koltvísýringsútblæstri og losun gróðurhúsalofttegunda. Hægt er að nota VLO á allar venjulegar díselvélar án þess að breyta þeim eða endurstilla á nokkurn hátt. VLO er afar kuldaþolin sem kemur sér vel á norðlægum slóðum. VLO er með hærri cetan-tölu en önnur díselolía, brennur því betur, bruninn verður hreinni og fer betur með vél bílsins. Vetnismeðhöndlun er nýstárleg aðferð við framleiðslu á lífeldsneyti fyrir díselvélar en hún er afrakstur öflugs vísinda- og þróunarstarfs hjá finnska olíufyrirtækinu Neste Oil. Við framleiðsluna er notað endurnýjanlegt lífeldsneyti, svo sem ýmiskonar jurtaolía og dýrafita, og vetni notað til að fjarlægja súrefni úr sameindum brennslufitu olíunnar. Þessi aðferð, þ.e. vetnismeðhöndlun lífrænnar olíu, hefur skilað hreinni og umhverfisvænni vöru sem er laus við þau vandamál sem fylgt hafa annarri lífdíselolíu, eins og botnfall, þránun og bakteríumyndun. Ekki hefur þótt ráðlegt að blanda lífdíselolíu nema u.þ.b. 5–7% út í venjulega díselolíu, en VLO má nota allt að 100% á allar díselvélar. Við framleiðslu á VLO er notast við fjölbreytt hráefni úr umhverfinu án þess að það bitni á gæðum eldsneytisins, t.d. margar tegundir af jurtaolíu (sojabaunaolíu, repjuolíu, sólblómaolíu, pálmaolíu o.fl.) en einnig margvíslegan dýrafituúrgang frá veitingahúsum og sláturhúsum, sem annars yrði hent. VLO hefur verið notuð víða í Evrópu um nokkurra ára skeið með góðum árangri. Neste Oil hefur einnig haldið úti víðtækum prófunum á VLO í Finnlandi, Þýskalandi og Kanada undanfarin ár. Þessi olía hefur erlendis gengið undir nafninu HVO, Hydrotreated Vegetable Oil eða vetnismeðhöndluð jurtaolía. Mest lesið Öryggismyndavélar í svefnherberginu og fyrsta útgáfa af Lolitu á skrifstofunni Erlent Hvarf fyrir tæpum þrjátíu árum og fannst í hopandi jökli Erlent Dánarorsök Ozzy Osbourne ljós Erlent Segja Rafmennt auglýsa nöfn sín í blekkingarskyni Innlent Hvar á að grípa niður í fækkun innflytjenda? Innlent Hættir að fjármagna þróun mRNA bóluefna Erlent Segja upp og draga úr útgáfu: Óvissan í rekstrinum „því miður aukist mikið“ Innlent Segir Höllu ekki skilja um hvað málið snýst Innlent Sektaður vegna kýr sem drapst á leið í sláturhús Innlent Greina ekki frá tilkynntum kynferðisbrotum á Þjóðhátíð strax Innlent
Stuðlar að 5% minni koltvísýringsútblæstri. Olís kynnti í vikunni díselolíu blandaða með vetnismeðhöndlaðri lífrænni olíu, eða VLO. Það er hreinna og umhverfisvænna díseleldsneyti en þekkst hefur og framleiðsluaðferðin gerir hana ólíka annarri lífdíselolíu. VLO virkar fullkomlega eins og önnur díselolía en mengar minna. VLO er blönduð í díselolíu Olís sem hlutfall af seldu magni í samræmi við reglugerðir í Evrópu. Slík reglugerð hefur enn ekki litið dagsins ljós hér á landi en mun væntanlega gera það innan skamms. Að sögn Olís skilar þetta íblöndunarhlutfall 5% minni koltvísýringsútblæstri díselbifreiða. Hægt er að nota 100% hreina VLO olíu á díselvélar en með íblöndun ætlar Olís að gera VLO samkeppnisfæra í verði á eldsneytismarkaðnum. Íblöndunin hefur engin áhrif á lítraverð, eykur ekki eldsneytiseyðslu en dregur hins vegar úr koltvísýringsútblæstri og losun gróðurhúsalofttegunda. Hægt er að nota VLO á allar venjulegar díselvélar án þess að breyta þeim eða endurstilla á nokkurn hátt. VLO er afar kuldaþolin sem kemur sér vel á norðlægum slóðum. VLO er með hærri cetan-tölu en önnur díselolía, brennur því betur, bruninn verður hreinni og fer betur með vél bílsins. Vetnismeðhöndlun er nýstárleg aðferð við framleiðslu á lífeldsneyti fyrir díselvélar en hún er afrakstur öflugs vísinda- og þróunarstarfs hjá finnska olíufyrirtækinu Neste Oil. Við framleiðsluna er notað endurnýjanlegt lífeldsneyti, svo sem ýmiskonar jurtaolía og dýrafita, og vetni notað til að fjarlægja súrefni úr sameindum brennslufitu olíunnar. Þessi aðferð, þ.e. vetnismeðhöndlun lífrænnar olíu, hefur skilað hreinni og umhverfisvænni vöru sem er laus við þau vandamál sem fylgt hafa annarri lífdíselolíu, eins og botnfall, þránun og bakteríumyndun. Ekki hefur þótt ráðlegt að blanda lífdíselolíu nema u.þ.b. 5–7% út í venjulega díselolíu, en VLO má nota allt að 100% á allar díselvélar. Við framleiðslu á VLO er notast við fjölbreytt hráefni úr umhverfinu án þess að það bitni á gæðum eldsneytisins, t.d. margar tegundir af jurtaolíu (sojabaunaolíu, repjuolíu, sólblómaolíu, pálmaolíu o.fl.) en einnig margvíslegan dýrafituúrgang frá veitingahúsum og sláturhúsum, sem annars yrði hent. VLO hefur verið notuð víða í Evrópu um nokkurra ára skeið með góðum árangri. Neste Oil hefur einnig haldið úti víðtækum prófunum á VLO í Finnlandi, Þýskalandi og Kanada undanfarin ár. Þessi olía hefur erlendis gengið undir nafninu HVO, Hydrotreated Vegetable Oil eða vetnismeðhöndluð jurtaolía.
Mest lesið Öryggismyndavélar í svefnherberginu og fyrsta útgáfa af Lolitu á skrifstofunni Erlent Hvarf fyrir tæpum þrjátíu árum og fannst í hopandi jökli Erlent Dánarorsök Ozzy Osbourne ljós Erlent Segja Rafmennt auglýsa nöfn sín í blekkingarskyni Innlent Hvar á að grípa niður í fækkun innflytjenda? Innlent Hættir að fjármagna þróun mRNA bóluefna Erlent Segja upp og draga úr útgáfu: Óvissan í rekstrinum „því miður aukist mikið“ Innlent Segir Höllu ekki skilja um hvað málið snýst Innlent Sektaður vegna kýr sem drapst á leið í sláturhús Innlent Greina ekki frá tilkynntum kynferðisbrotum á Þjóðhátíð strax Innlent