Unaðsleg kjúklingasúpa á mánudegi

Í byrjun vikunnar getur oft verið erfitt að koma sér í gang í eldhúsinu og finna upp á einhverju sniðugu í kvöldmatinn.

Hér má sjá einfalda uppskrift að guðdómlegri kjúklingasúpu. Súpan er holl og umfram allt mjög fljótleg í vinnslu.

Nota má það grænmeti sem til er í ískápnum eftir vikuna og breyta uppskriftinn að smekk.

Matarolía

2 kjúklingabringur

2 1/2 msk rautt karrýmauk

4-5 cm fersk engiferrót

1 rauðlaukur

8 dl kjúklingasoð

1 dós kókosmjólk

1-2 þurrkuð chillí

1/2 búnt ferskur kóriander

2 tsk limesafi

1 msk púðursykur (má sleppa)

Salt og pipar



Steikið kjúklinginn og grænmetið upp úr olíunni og rauða karrýmaukina, bætið því næst kjúklingasoðinu og kókosmjólkinni út í og sjóðið.

Bætið chilli, limesafa, púðusykri og salti og pipar við.

Leyfið súpunni að malla í dágóða stund og endið á því að rífa ferskt kóríander ofan í súpuna.

Smakkið til og bætið og breytið að vild.