Dallas Mavericks heldur í örlitla von um sæti í úrslitakeppni NBA-körfuboltans eftir heimasigur á Portland Trail Blazers 96-91 í nótt.
Chris Kaman skoraði 26 stig fyrir Dallas, hans mesta á tímabilinu, auk þess að hirða 11 fráköst. Shawn Marion bætti 20 stigum í púkkið en Dallas þarf að halda vel á spilunum í síðustu leikjum sínum til að komast í úrslitakeppnina.
Dallas á í harðri baráttu við Los Angeles Lakers og Utah Jazz um síðasta lausa sætið í úrslitakeppni vesturdeildar.
Utah gerði góða ferð til Kaliforníu og lagði Golden State 97-90. Mo Williams skoraði 25 stig fyrir Utah en Stríðsmennirnir hefðu getað tryggt sér sæti í úrslitakeppninni með sigri. Nú munar aðeins einu sæti á liðinu og Houston Rockets um sjötta sætið í deildinni.
Stöðuna í deildinni þegar liðin eiga fimm til sex leiki eftir má sjá hér.
Úrslitin í nótt
Boston Celtics 107-96 Washington Wizards
Sacramento Kings 87-89 Memphis Grizzlies
Golden State Warriors 90-97 Utah Jazz
Portland Trail Blazers 91-96 Dallas Mavericks
Cleveland Cavaliers 91-85 Orlando Magic
Detroit Pistons 99-85 Chicago Bulls
Phoenix Suns 92-95 Charlotte Hornets
Veik von Dallas lifir
Tengdar fréttir
Clippers sópaði Lakers | Tólfti sigur New York í röð
LA Clippers hafði betur gegn grönnum sínum í LA Lakers í NBA-deildinni í körfubolta í kvöld, 109-95.
