Systur hanna fyrir Coke Light

Vörumerkið Coke Light hefur í nokkur ár verið tengt við heimsþekkta hönnuði eins og Karl Lagerfeld og Jean Paul Gaultier en þessir hönnuðir ásamt fleirum eiga það sameiginlegt að hafa hannað útlit á umbúðir Coke Light. Núna eru íslenskar systur, þær Sólveig Ragna Guðmundsdóttir og Gunnhildur Edda Guðmundsdottir sem hanna undir merkinu Shadow Creatures, komnar í hóp þessara hönnuða. Ástæðan er að systurnar hönnuðu nýjar umbúðir Coke Light sem komið er í sölu á Íslandi en varan verður framleidd í takmörkuðu upplagi og verður einungis seld á Íslandi. Síðasta haust var haldin fatahönnunarkeppnin Reykjavik Runway sem Coke Light styrkti, þar unnu Shadow Creatures Coke Light verðlaunin.Um leið fengu þær það skemmtilega verkefni að hanna nýjar umbúðir á sérstaka kynningardós og er afrakstur þeirrar vinnu er komin í sölu á Íslandi. Styrkleiki íslenskrar hönnunar er mikill og því þótti framleiðanda vörunnar það tilvalið að fá íslenska hönnuði til að hanna útlitið á umbúðirnar á Coke Light og styrkja um leið og vekja athygli á íslenskri hönnun.