Rondo afgreiddi Bulls | Auðvelt hjá Miami

Sex leikir fóru fram í NBA-deildinni í nótt. Miami vann öruggan sigur á Atlanta á meðan Boston lagði Chicago í hörkuleik.

Rajon Rondo var maðurinn á bak við sigur Boston í nótt en hann var með þrefalda tvennu. Hann skoraði 32 stig, tók 10 fráköst og gaf 15 stoðsendingar.

Það munaði talsvert um það hjá Chicago að Derrick Rose gat ekki spilað vegna meiðsla í baki.

LeBron James, Dwyane Wade og Chris Bosh voru einu sinni sem oftar aðalmennirnir hjá Miami í nótt. Wade skoraði öll sín 21 stig í fyrri hálfleik, Bosh var með tvöfalda tvennu í fyrri hálfleiknum og endaði með 14 stig og 16 fráköst. James skoraði 23 stig, tók 13 fráköst og gaf 6 stoðsendingar.

Úrslit:

Toronto-LA Lakers  92-94

Boston-Chicago  95-91

Detroit-Washington  77-98

Atlanta-Miami  87-107

Golden State-Houston  106-97

Memphis-Utah  88-98