Buðu sama 7% kvótann í makríl aftur 18. febrúar 2012 06:00 María Damanki ESB og Noregur höfðu ekkert nýtt fram að færa í samningaviðræðum um makrílkvóta sem lauk í Reykjavík á fimmtudag. Heimildir blaðsins herma að Íslendingum hafi verið boðin sama hlutdeild og á síðasta fundi í Bergen sem Íslendingar svöruðu þá með gagntilboði. Þetta gengur þvert á fullyrðingar æðstu ráðamanna ESB og Noregs um að engan samningsvilja sé að finna á Íslandi og í Færeyjum. Eins og komið hefur fram í fréttum sendu María Damanaki, sjávarútvegsstjóri ESB, og Lisbeth Berg-Hansen, sjávarútvegsráðherra Noregs, frá sér yfirlýsingu á fimmtudag eftir að ljóst var að fundurinn í makríldeilunni var árangurslaus. Var þar lýst vonbrigðum yfir lyktum málsins og fullyrt að Íslendingar hefðu ekki tekið þátt í samningaviðræðunum. Þær fullyrða jafnframt að Noregur og ESB hafi boðið Íslendingum og Færeyingum umtalsverða aukna hlutdeild í kvótanum í undangengnum viðræðum. Heimildir Fréttablaðsins herma hins vegar að á síðasta samningafundi í Bergen á dögunum hafi ESB og Noregur lagt fram sameiginlega tillögu um 7% hlutdeild Íslands í makrílveiðunum með nokkrum aðgangi að lögsögum þeirra og að Ísland hafi lagt fram gagntillögu um 15% hlutdeild með aðgangi að lögsögum. Það sama var uppi á borðum í Reykjavík. Tómas H. Heiðar, aðalsamningamaður Íslands, segir að Ísland hafi tekið virkan þátt í samningaviðræðum um makrílveiðar og lagt sig fram við að leita lausna til að tryggja sjálfbærar veiðar og koma í veg fyrir ofveiði úr stofninum. „Fullyrðingar um hið gagnstæða eru fráleitar.“ Spurður hvort hann geti staðfest að á síðasta samningafundi í Bergen á dögunum hafi ESB og Noregur lagt fram fyrrnefnda tillögu um 7% hlutdeild Íslands sem svarað var með gagntillögu um 15%, segist Tómas ekki getað tjáð sig um innihald einstakra tillagna. „Hins vegar get ég staðfest að á fundinum í Bergen lögðu ESB og Noregur fram sameiginlega tillögu sem Ísland svaraði með gagntillögu. Í ljósi þess væntum við útspils frá ESB og Noregi á fundinum hér í Reykjavík en það leit því miður aldrei dagsins ljós,“ segir Tómas. Tómas segir að þegar ljóst varð að ekki tækist að brúa bilið og ná samkomulagi hér í Reykjavík um skiptingu aflaheimilda hafi Ísland lagt til að allir aðilar drægju hlutfallslega jafnt úr veiðum sínum í ár. Þannig yrðu veiðarnar í samræmi við ráðgjöf Alþjóðahafrannsóknaráðsins (ICES). „Því miður voru hinir aðilarnir ekki reiðubúnir til að fallast á tillöguna.“ Makrílveiðarnar á síðasta ári voru um 930.000 tonn en ráðgjöf ICES fyrir árið 2012 er 639.000 tonn. Því gerði tillaga Íslands ráð fyrir að hver aðili um sig myndi minnka makrílveiðar sínar á þessu ári um 30%.svavar@frettabladid.isMynd/Óskar Mest lesið „Þetta var bara eins og hryðjuverk“ Innlent Hver er þessi 28 ára maður sem gæti orðið forsætisráðherra Frakka? Erlent Vitni segir bílinn hafa ekið hratt fram úr sér skömmu fyrir slysið Innlent „Hvernig getur sama fólk snúist svona í skoðunum sínum?“ Innlent Sælkerasveppir ræktaðir í gróðrarstöð í Mosfellsdal Innlent Óttast að Quang Le hafi samband við þolendur Innlent Stútfull hátíðardagskrá um allt land á 17. júní Innlent Parísarhjól sprettur upp við höfnina Innlent Neita að borga tjón eftir að hafa mokað snjó yfir bíl Innlent Oddviti Garðarbæjarlistans hættir í Samfylkingunni Innlent Fleiri fréttir „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Björgunarsveitir sinntu reiðslysi og gönguslysi í gær Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Sjá meira
ESB og Noregur höfðu ekkert nýtt fram að færa í samningaviðræðum um makrílkvóta sem lauk í Reykjavík á fimmtudag. Heimildir blaðsins herma að Íslendingum hafi verið boðin sama hlutdeild og á síðasta fundi í Bergen sem Íslendingar svöruðu þá með gagntilboði. Þetta gengur þvert á fullyrðingar æðstu ráðamanna ESB og Noregs um að engan samningsvilja sé að finna á Íslandi og í Færeyjum. Eins og komið hefur fram í fréttum sendu María Damanaki, sjávarútvegsstjóri ESB, og Lisbeth Berg-Hansen, sjávarútvegsráðherra Noregs, frá sér yfirlýsingu á fimmtudag eftir að ljóst var að fundurinn í makríldeilunni var árangurslaus. Var þar lýst vonbrigðum yfir lyktum málsins og fullyrt að Íslendingar hefðu ekki tekið þátt í samningaviðræðunum. Þær fullyrða jafnframt að Noregur og ESB hafi boðið Íslendingum og Færeyingum umtalsverða aukna hlutdeild í kvótanum í undangengnum viðræðum. Heimildir Fréttablaðsins herma hins vegar að á síðasta samningafundi í Bergen á dögunum hafi ESB og Noregur lagt fram sameiginlega tillögu um 7% hlutdeild Íslands í makrílveiðunum með nokkrum aðgangi að lögsögum þeirra og að Ísland hafi lagt fram gagntillögu um 15% hlutdeild með aðgangi að lögsögum. Það sama var uppi á borðum í Reykjavík. Tómas H. Heiðar, aðalsamningamaður Íslands, segir að Ísland hafi tekið virkan þátt í samningaviðræðum um makrílveiðar og lagt sig fram við að leita lausna til að tryggja sjálfbærar veiðar og koma í veg fyrir ofveiði úr stofninum. „Fullyrðingar um hið gagnstæða eru fráleitar.“ Spurður hvort hann geti staðfest að á síðasta samningafundi í Bergen á dögunum hafi ESB og Noregur lagt fram fyrrnefnda tillögu um 7% hlutdeild Íslands sem svarað var með gagntillögu um 15%, segist Tómas ekki getað tjáð sig um innihald einstakra tillagna. „Hins vegar get ég staðfest að á fundinum í Bergen lögðu ESB og Noregur fram sameiginlega tillögu sem Ísland svaraði með gagntillögu. Í ljósi þess væntum við útspils frá ESB og Noregi á fundinum hér í Reykjavík en það leit því miður aldrei dagsins ljós,“ segir Tómas. Tómas segir að þegar ljóst varð að ekki tækist að brúa bilið og ná samkomulagi hér í Reykjavík um skiptingu aflaheimilda hafi Ísland lagt til að allir aðilar drægju hlutfallslega jafnt úr veiðum sínum í ár. Þannig yrðu veiðarnar í samræmi við ráðgjöf Alþjóðahafrannsóknaráðsins (ICES). „Því miður voru hinir aðilarnir ekki reiðubúnir til að fallast á tillöguna.“ Makrílveiðarnar á síðasta ári voru um 930.000 tonn en ráðgjöf ICES fyrir árið 2012 er 639.000 tonn. Því gerði tillaga Íslands ráð fyrir að hver aðili um sig myndi minnka makrílveiðar sínar á þessu ári um 30%.svavar@frettabladid.isMynd/Óskar
Mest lesið „Þetta var bara eins og hryðjuverk“ Innlent Hver er þessi 28 ára maður sem gæti orðið forsætisráðherra Frakka? Erlent Vitni segir bílinn hafa ekið hratt fram úr sér skömmu fyrir slysið Innlent „Hvernig getur sama fólk snúist svona í skoðunum sínum?“ Innlent Sælkerasveppir ræktaðir í gróðrarstöð í Mosfellsdal Innlent Óttast að Quang Le hafi samband við þolendur Innlent Stútfull hátíðardagskrá um allt land á 17. júní Innlent Parísarhjól sprettur upp við höfnina Innlent Neita að borga tjón eftir að hafa mokað snjó yfir bíl Innlent Oddviti Garðarbæjarlistans hættir í Samfylkingunni Innlent Fleiri fréttir „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Björgunarsveitir sinntu reiðslysi og gönguslysi í gær Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Sjá meira