Fyrsti Rínar-laxinn í Sviss í 50 ár Trausti Hafliðason skrifar 19. júní 2012 08:00 Dagblaðið Badische Zeitung fjallaði um þessi merku tíðindi og hér má einnig sjá mynd af laxinum. Fyrir skömmu gerðust þau merku tíðindi að lax gekk upp ána Rín allt til bæjarins Rheinfelden í Sviss. Þetta hafði ekki gerst í fimmtíu ár. Orri Vigfússon, formaður Verndarsjóðs villtra laxastofna (NASF), segir þetta verulega góðar fréttir sem og að sjö laxar hafi í vetur gengið upp Elbu alla leið á hrygningarstöðvar sínar í Tékklandi. Dagblaðið Badische Zeitung segir frá laxinum sem veiddist í Rín í frétt í lok maí. Hann vó tæp 13 pund og mældist 89 sentímetra langur. Laxinn var merktur, tekið sýni, og honum síðan sleppt aftur. Rín er á meðal lengstu áa Evrópu. Hún teygir sig rúma 1.200 kílómetra frá Norðursjó og allt niður til Sviss. Laxinn hefur því ferðast um langan veg. Sú staðreynd að hann hafi komist alla þessa leið þykir sýna að bygging laxastiga og hjáleiða framhjá skipalyftum og stíflum hafi borið árangur. Það er hins vegar allt of snemmt að spá nokkru um að það hvort laxagengdi verði mikil á þessum slóðum. Rheinfelden er smábær við landamæri Þýskalands. Þar búa um 12 þúsund manns. Stangveiði Mest lesið Meira af tölfræði í Eystri Rangá 2020 Veiði Stöðug sjóbleikjuveiði í Hvalvatnsfirði Veiði Gæsaveiðin gengur vel Veiði Lokatölur úr flestum ánum komnar í hús Veiði Þegar veðrið breytir öllu í veiði Veiði Vantar um 1000 laxa miðað við sama tíma í fyrra Veiði Hofsá ein af dómkirkjum stangveiðinnar Veiði Tafir á smíði veiðihúss við Miðá Veiði Eystri Rangá aflahæst laxveiðiánna Veiði 60-80 laxar á dag úr Eystri Rangá Veiði
Fyrir skömmu gerðust þau merku tíðindi að lax gekk upp ána Rín allt til bæjarins Rheinfelden í Sviss. Þetta hafði ekki gerst í fimmtíu ár. Orri Vigfússon, formaður Verndarsjóðs villtra laxastofna (NASF), segir þetta verulega góðar fréttir sem og að sjö laxar hafi í vetur gengið upp Elbu alla leið á hrygningarstöðvar sínar í Tékklandi. Dagblaðið Badische Zeitung segir frá laxinum sem veiddist í Rín í frétt í lok maí. Hann vó tæp 13 pund og mældist 89 sentímetra langur. Laxinn var merktur, tekið sýni, og honum síðan sleppt aftur. Rín er á meðal lengstu áa Evrópu. Hún teygir sig rúma 1.200 kílómetra frá Norðursjó og allt niður til Sviss. Laxinn hefur því ferðast um langan veg. Sú staðreynd að hann hafi komist alla þessa leið þykir sýna að bygging laxastiga og hjáleiða framhjá skipalyftum og stíflum hafi borið árangur. Það er hins vegar allt of snemmt að spá nokkru um að það hvort laxagengdi verði mikil á þessum slóðum. Rheinfelden er smábær við landamæri Þýskalands. Þar búa um 12 þúsund manns.
Stangveiði Mest lesið Meira af tölfræði í Eystri Rangá 2020 Veiði Stöðug sjóbleikjuveiði í Hvalvatnsfirði Veiði Gæsaveiðin gengur vel Veiði Lokatölur úr flestum ánum komnar í hús Veiði Þegar veðrið breytir öllu í veiði Veiði Vantar um 1000 laxa miðað við sama tíma í fyrra Veiði Hofsá ein af dómkirkjum stangveiðinnar Veiði Tafir á smíði veiðihúss við Miðá Veiði Eystri Rangá aflahæst laxveiðiánna Veiði 60-80 laxar á dag úr Eystri Rangá Veiði