Veiði

Ennþá vænir sjóbirtingar í Ytri Rangá

Karl Lúðvíksson skrifar
Bjarki Bóasson með vænan birting úr Ytri Rangá
Bjarki Bóasson með vænan birting úr Ytri Rangá Mynd: Arnar Sveinbjörnsson
Arnar með vænan birting.Mynd: Bjarki Bóasson
Ytri Rangá hefur vaxið sem urriða og sjóbirtingsá og ásóknin í hana sem slíka hefur aukist mikið enda ekkert skrítið þegar veiðin er góð.



Flestir hefðu haldið að nú þegar styttist óðum í að laxveiðin hefjist í ánni að sjóbirtingurinn væri genginn til sjávar en það er öðru nær. Við fengum þessa skemmtilegu veiðisögu frá þeim félögum Bjarka Bóassyni og Arnari Sveinbjörnssyni sem voru við veiðar fyrir stuttu í ánni.



"Fórum sunnudaginn 31 maí í ytri Rangá að reyna við stóra urriðann/birtinginn. Vorum þarna tveim vikum fyrr og náðum einum staðbundnum ofarlega en misstum einn svakalegann á gunnugilsbreiðu. Arnar Sveinbjörnsson sem missti hann vildi ólmur koma aftur til að ná honum. Mættir um 9.15, fyrsta rennsli og bæng neglir stór drjóli fluguna hans á dauðarekinu. Barðist vel í ca 10 mín, 82 cm og um 7kg. Prófuðum svo mikið í kring en fengum einn í viðbót á sama stað sömu aðferð, dauða rekið. 73 cm birtingur og 4.5 kg. Frábærir og fallegir fiskar. Ekki algengt að fá fisk þarna á vorin hvað þá tvo, alveg í skýjunum og markmiðum náð."

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.