Miami vann fyrsta leikinn gegn Indiana

Miami Heat er komið með forskot í rimmunni gegn Indiana Pacers í annarri umferð í úrslitakeppni NBA-deildarinnar.

Miami vann níu stiga sigur í kvöld, 95-86, í fyrsta leik liðanna en sigurinn var ekki auðveldur. Indiana yfir lengi vel en þegar á reyndi stigu leikmenn Miami upp og kláruðu leikinn.

LeBron James fékk afhent verðlaun fyrir að vera verðmætasti leikmaður NBA-deildarinnar fyrir leik og hann hélt upp á það með því að skora 32 stig.

Dwyane Wade einnig frábær og skoraði 29 stig. West og Hibbert skoruðu báðir 17 stig fyrir Indiana.