Samkomulagið gríðarlega mikið hagsmunamál

Það samkomulag sem gert var í gær um lóðir og skipulagsmál í tengslum við framtíðaruppbyggingu Landspítala Háskólasjúkrahúss og Háskóla Íslands norðan Hringbrautar er gríðarlega mikið hagsmunamál fyrir Reykjavík, segir Dagur B. Eggertsson, formaður borgarráðs.

Hann segir að málið hafi verið margrætt í borgarráði og kynnt í skipulagsráði borgarinnar. Þá liggi fyrir að það taki ekki gildi fyrr en við samþykkt deiluskipulags svæðisins.

Dagur segir að áratugum saman hafi lóðir legið óbyggðar árum saman. Með nýja samkomulaginu sé borgin nú að fá mikið svæði sem hægt sé að nýta undir byggingar.

Dagur segir að þegar sé byrjað að kynna málið fyrir hagsmunaaðilum og jafnframt verði haldinn stór fundur eftir 10 daga fyrir hagsmunaaðila.