Simona snýr aftur til ÍBV

Meistaraflokkur kvenna í handbolta hjá ÍBV hefur fengið góðan liðstyrk en Rúmeninn Simona Vitila leikur á ný með liðinu á næstu leiktíð. Frá þessu er greint á heimasíðu ÍBV.

Simona lék á Íslandi tímabilið 2004-2005 og var í lok tímabils valinn leikmaður ársins á lokahófi HSÍ. Undanfarin ár hefur hún leikið í heimalandi sínu.

ÍBV hafnaði í 3. sæti N1-deildarinnar á síðustu leiktíð. Þá lék liðið til úrslita í bikarnum gegn Valskonum en biðu lægri hlut.

Hjá ÍBV hittir Simona fyrir landa sína Georgetu Grigore og markvörðinn Florentinu Grecu.