Norðurá tvöfalt betri; Blanda þrefaldar veiðina 14. júní 2012 15:10 Blanda þrefaldar sig: Dammurinn hefur gefið marga stórlaxa í byrjun tímabilsins. Mynd/Lax-á.is Meistari Þorsteinn Þorsteinsson á Skálpastöðum hefur sent frá sér fyrstu veiðitölur sumarsins, og þó veiði sé aðeins hafin í fáum laxveiðiám þá eru tölurnar engu að síður allrar athygli verðar. „Þetta sumar fer vel af stað fyrir þá, sem byrjað hafa heyskap", segir Þorsteinn og heldur áfram: „Veiðimenn þrá aftur á móti dálitla rigningu. Þó svo að snjór sé meiri í fjöllum en mörg undanfarin vor, þá eru ár nú vatnslitlar, að minnsta kosti á vesturhluta landsins. Samt er laxinn mættur til leiks." Tölur Þorsteins frá Blöndu og Norðurá eru athyglisverðar. Norðurá er komin með 57 laxa á land en þeir voru 26 á sama tíma í fyrra. Blanda hefur bætt sig verulega frá fyrra ári með 47 laxa á þurru en þeir voru aðeins sextán á sama tíma í fyrra. Þorsteinn greinir frá því veiði hófst í Þverá í Borgarfirði 13. júní og náðust fjórir laxar fyrsta daginn. Kjarrá verður svo opnuð á morgun. „Þetta verður að teljast ágæt byrjun á veiðisumrinu, þó ekki nái hún þeim metum, sem sett voru sumarið 2010. Næstu veiðitölur birtast svo hér að kvöldi þess 20. júní, og þá úr mun fleiri ám en nú", segir Þorsteinn. svavar@frettabladid.is Stangveiði Mest lesið Svona var baráttan við fyrsta lax sumarsins Veiði Þrjár komnar yfir 1.000 laxa Veiði Veiðifréttir eru komnar út Veiði Góð laxveiði í Þjórsá Veiði Vötnin fyrir norðan farin að gefa vel Veiði Góðar göngur og fín veiði í Elliðaánum Veiði Stórlax á silungagræjur í Norðurá II Veiði Laxateljari kominn í gagnið í Langadalsá Veiði Frýs í lykkjum og takan eftir því Veiði Fyrstu laxarnir komnir í Laxá í Kjós Veiði
Meistari Þorsteinn Þorsteinsson á Skálpastöðum hefur sent frá sér fyrstu veiðitölur sumarsins, og þó veiði sé aðeins hafin í fáum laxveiðiám þá eru tölurnar engu að síður allrar athygli verðar. „Þetta sumar fer vel af stað fyrir þá, sem byrjað hafa heyskap", segir Þorsteinn og heldur áfram: „Veiðimenn þrá aftur á móti dálitla rigningu. Þó svo að snjór sé meiri í fjöllum en mörg undanfarin vor, þá eru ár nú vatnslitlar, að minnsta kosti á vesturhluta landsins. Samt er laxinn mættur til leiks." Tölur Þorsteins frá Blöndu og Norðurá eru athyglisverðar. Norðurá er komin með 57 laxa á land en þeir voru 26 á sama tíma í fyrra. Blanda hefur bætt sig verulega frá fyrra ári með 47 laxa á þurru en þeir voru aðeins sextán á sama tíma í fyrra. Þorsteinn greinir frá því veiði hófst í Þverá í Borgarfirði 13. júní og náðust fjórir laxar fyrsta daginn. Kjarrá verður svo opnuð á morgun. „Þetta verður að teljast ágæt byrjun á veiðisumrinu, þó ekki nái hún þeim metum, sem sett voru sumarið 2010. Næstu veiðitölur birtast svo hér að kvöldi þess 20. júní, og þá úr mun fleiri ám en nú", segir Þorsteinn. svavar@frettabladid.is
Stangveiði Mest lesið Svona var baráttan við fyrsta lax sumarsins Veiði Þrjár komnar yfir 1.000 laxa Veiði Veiðifréttir eru komnar út Veiði Góð laxveiði í Þjórsá Veiði Vötnin fyrir norðan farin að gefa vel Veiði Góðar göngur og fín veiði í Elliðaánum Veiði Stórlax á silungagræjur í Norðurá II Veiði Laxateljari kominn í gagnið í Langadalsá Veiði Frýs í lykkjum og takan eftir því Veiði Fyrstu laxarnir komnir í Laxá í Kjós Veiði